AΠΟΛΥΤΙΚΙΑ ΑΥΓΟΥΣΤΟΥ

AΠΟΛΥΤΙΚΙΑ ΑΥΓΟΥΣΤΟΥ

Η Πρόοδος Του Τιμίου Σταυρού (1 Αυγούστου)


Σώσον, Κύριε, τον λαόν σου, και ευλόγησον την κληρονομίαν σου, νίκας τοις Βασιλεύσι κατα βαρβάρων δωρούμενος, και τον σόν φυλάττων, δια του Σταυρού σου πολίτευμα.


----------------------------------------------------------------------------------------------------

Των 7 Παίδων Και Της Μητρός Τους Σολομόνης (1 Αυγούστου)



Τας αλγηδόνας των Αγίων, ας υπέρ σου έπαθον, δυσωπήθητι Κύριε, και πάσας ημών τας οδύνας, ίασαι φιλάνθρωπε, δεόμεθα.


----------------------------------------------------------------------------------------------------

Ανακομιδή Των Λειψάνων Του Πρωτομάρτυρα Στέφανου (2 Αυγούστου)


Ως πλούτος ακένωτος της αθανάτου ζωής, το θείον σου λείψανον, εκ των λαγόνων της γής, τη κτίσει ανέτειλεν• όθεν η Εκκλησία θείαν χάριν τρυγώσα, Στέφανε πρωτομάρτυς, κατά χρέος τιμά σε• ήν φύλαττε πρεσβείαις σου, εκ πάσης αιρέσεως.


----------------------------------------------------------------------------------------------------

Ισαακίου, Δαλματού Και Φαύστου Οσίων (3 Αυγούστου)


Τους εν ασκήσει εκλάμψαντας εν τω κόσμω, και τας αιρέσεις ανατρέψαντες τη πίστει, ύμνοις Ισαάκιον ευφημήσωμεν, συν τω Δαλματω Φαύστον, ως του Χριστού θεράποντας• αυτοί γαρ βοώσιν υπέρ πάντων ημών.


----------------------------------------------------------------------------------------------------

Των 7 Παίδων Εν Εφέσω (4 Αυγούστου)


Θείω Πνεύματι, αφθαρτισθέντες, πολυχρόνιον, ήνυσαν ύπνον, οι εν Εφέσω επτάριθμοι Μάρτυρες. Και αναστάντες πιστούς εβεβαίωσαν, την των ανθρώπων κοινήν εξανάστασιν. Όθεν άπαντες, συμφώνως τους τιμήσωμεν, δοξάζοντες Χριστόν τον πολυέλεον.


----------------------------------------------------------------------------------------------------

Ευσιγνίου Μάρτυρος (5 Αυγούστου)


Ως έμπλεως πίστεως, της προς Χριστόν ευσεβώς, νεάζον το φρόνημα, έσχες εν γήρα καλώς, Ευσίγνιε ένδοξε• όθεν ομολογήσας, τον υπέρθεον Λόγον, ήλεγξας θαρσαλέως, Παραβάτου το θράσος• εντεύθεν μετά Μαρτύρων, μάρτυς δεδόξασαι.


----------------------------------------------------------------------------------------------------

Η Μεταμόρφωσις του Κυρίου (6 Αυγούστου)


Μετεμορφώθης εν τω όρει Χριστέ ο Θεός, δείξας τοις μαθηταίς σου την δόξαν σου, καθώς ηδύναντο. Λάμψον και ημίν τοις αμαρτωλοίς το φώς σου το αίδιον, πρεσβείαις της Θεοτόκου, Φωτοδότα, δόξα σοι.


----------------------------------------------------------------------------------------------------

Δομετίου Οσιομάρτυρος (7 Αυγούστου)


Τον της χάριτος λόγον εισποιησάμενος, πυρσολατρών τα τερθρεία, απεποιήσω σοφώς, τω Χριστώ ανατεθείς, πάτερ Δομέτιε. Και εν αθλήσει ακλινής, ως Οσίων μιμητής, εδείχθης οσιομάρτυς• διό σε ύμνοις τιμώμεν, συν φοιτητών σου τη δυάδι σοφέ.


----------------------------------------------------------------------------------------------------

Αιμιλιανού Κυζίκου (8 Αυγούστου)


Της του Λόγου εικόνος διαγράψας την έλλαμψιν, Αιμιλιανέ ιεράρχα, δια βίου ορθότητος την ένσωμον εικόνα του Χριστού, εδίδαξας τιμάσθαι ευσεβώς. Διά τούτο ως ποιμένα και αθλητήν, τιμώμεν σε κραυγάζοντες, δόξα τω παράσχοντι σοι ισχύν, δόξα τω σε στεφανώσαντι, δόξα τω δωρούμενω δια σού, πάσι την άφεσιν.


----------------------------------------------------------------------------------------------------

Ματθία Αποστόλου (9 Αυγούστου)


Θείω Πνεύματι, κεκληρωμένος, συνεπλήρωσας των Αποστόλων, την δωδεκάριθμον φάλαγγα ένδοξε• μεθ' ων κηρύξας του Λόγου την κένωσιν, εθαυμαστώθης Ματθία απόστολε. Αλλά πρέσβευε, δοθήναι τοις γεραίρουσι,πταισμάτων ιλασμόν και μέγα έλεος.


----------------------------------------------------------------------------------------------------

Λαυρεντίου Αρχιδιακόνου (10 Αυγούστου)


Τω Θείω Πνεύματι, καταυγαζόμενος, ως άνθραξ έφλεξας, πλάνης την άκανθαν, αρχιδιάκονε Χριστού, Λαυρέντιε αθλοφόρε• όθεν ως θυμίαμα, λογικόν ολοκαύτωσαι, τω σε μεγαλύναντι, τω πυρί τελειούμενος• διό τους τιμώντας θεόφρον, σκέπε εκ πάσης επηρείας.


----------------------------------------------------------------------------------------------------

Νήφωνος Πατριάρχου Κωνσταντινουπόλεως (11 Αυγούστου)

Έργοις έλαμψας, της ευσεβείας, πάσαν ηύγασας, την Εκκλησίαν, της ταπεινώσεως τρόποις υψούμενος• ασκητικώς δοξασθείς γαρ εν Άθωνι, πατριαρχών καλλονή εχρημάτισας, Νήφων ένδοξε, θείων χαρισμάτων έμπλησον, τους πίστει και πόθω σε μεγαλύνοντας.


----------------------------------------------------------------------------------------------------

Απολυτίκιο του Αγ. Εύπλου (11 Αυγούστου)



----------------------------------------------------------------------------------------------------

Φωτίου Και Ανικήτου Μαρτύρων (12 Αυγούστου)


Θείας πίστεως, τη συμφωνία, την οικείωσιν, της συγγενείας, δι' αγώνων ιερών ελαμπρύνατε, θεομακάριστε μάρτυς Ανίκητε, συν τω Φωτίω φωτόςτω θεράποντι. Αλλ' αιτήσασθε, δοθήναι πταισμάτων άφεσιν, τοις μέλπουσιν υμών, την θείαν άθλησιν.


----------------------------------------------------------------------------------------------------

Μετάθεσης Ιερού Λειψάνου Του Οσίου Μαξίμου (13 Αυγούστου)

Την των λειψάνων του, αγίαν λάρνακα, αρωματίζουσαν ζωής τας χάριτας, ως κιβωτόν αγιασμού, πλουτίσαντες θεοφόρε, εξ αυτής δρεπόμεθα, χάριν θείαν και έλεος. Μαξίμε πανεύφημε, της σοφίας ο τρόφιμος. Διό μή διαλίπης πρεσβεύειν, θείας τύχειν ημάς ευκλεείας.


----------------------------------------------------------------------------------------------------

Απολυτίκιο Αποδ. Μετ/σεως του Σωτήρος (13 Αυγούστου)



----------------------------------------------------------------------------------------------------

Προφήτου Μιχαίου (14 Αυγούστου)


Ως όρος περίοπτον, και εμφανές αληθώς, προείδες εν Πνεύματι, την Εκκλησίαν Χριστού, Μιχαία θεόπνευστε• όθεν οι ευρηκότες εν αυτή σωτηρίαν, βαίνουσιν ως προέφης, εν ταις τριβοίς Κυρίου, γεραίροντες προφήτα, την πάνσεπρον μνήμην σου.


----------------------------------------------------------------------------------------------------

Η Κοίμησις της Θεοτόκου (15 Αυγούστου)


Εν τη Γεννήσει, την παρθενίαν εφύλαξας, εν τη Κοιμήσει τον κόσμον ού κατέλιπες Θεοτόκε, μετέστης προς την ζωήν, Μήτηρ υπάρχουσα της ζωής, και ταις πρεσβείαις ταις σαίς λυτρουμένη εκ θανάτου τας ψυχάς ημών.


----------------------------------------------------------------------------------------------------

Διομήδους Μάρτυρος (16 Αυγούστου)


Την ιατρικήν, κτησάμενος επιστήμην, της αθλητικής εμοίρασας ευκληρίας, ως κηρύξας ενδόξως, Χριστόν τον Θεόν ημών, παμμακάριστε Διομήδες, Αναργύρων εγκαλλώπισμα, και προστάτα των βοώντων σοι. Αυτός γένου ιατήρ, τοις σοίς δούλοις σοφέ.


----------------------------------------------------------------------------------------------------

Μύρωνος Ιερομάρτυρος (17 Αυγούστου)


Ως θείον αλάβαστρον, των ιερών αρετών, πιστώς ιερατεύσας, τη Εκκλησία Χριστού, και χαίρων ενήθλησας• όθεν τη ευωδία, των εν σοί χαρισμάτων, Μύρων Ιερομάρτυς, των παθών το δυσώδες, απέλασον ανενδότως, εκ των ψυχών ημών.


----------------------------------------------------------------------------------------------------

Φλώρου Και Λαύρου Μαρτύρων (18 Αυγούστου)


Ευσεβείας τοις τρόποις εκγυμναζόμενοι, του μαρτυρίου την τριβήν διαπεράτε καλώς, ως αυτάδελφοι κλεινοί Χριστόν δοξάσαντες• όθεν γεραίρομεν υμάς, ως γενναίους Αθλητάς, Φλώρε και Λαύρε βοώντες. Απο παντοίας ανάγκης, ρύσασθαι πάντας ημάς, Άγιοι.


----------------------------------------------------------------------------------------------------

Ανδρέου Μεγαλομάρτυρος Του Στρατηλάτου (19 Αυγούστου)


Θείας πίστεως, τὴ δυvαστεία, προσενήνοχας, ὡς στρατηγέτης, τῷ Παντάνακτι στρατὸν θεοσύλλεκτον τύπος γὰρ τούτων Ἀνδρέα γενόμενος, μαρτυρικῶς σὺν αὐτοὶς ἠνδραγάθησας. Μεθ' ὧν πρέσβευε, Κυρίω τῷ σὲ δοξάσαντι, δωρήσασθαι ἠμιν τὸ μέγα ἔλεος.


----------------------------------------------------------------------------------------------------

Σαμουήλ Του Προφήτου (20 Αυγούστου)


Εκ στείρας εβλάστησας, δικαιοσύνης καρπός, προφαίνων την μέλλουσαν, ευεργεσίαν ημίν Σαμουήλ θεσπέσιε• όθεν ιερατεύσας, παιδιόθεν Κυρίω, έχρισας ως Προφήτης, βασιλείς θείω μύρω. Και νύν των σε ευφημούντων, μάκαρ μνημόνευε.


----------------------------------------------------------------------------------------------------

Θαδδαίου Αποστόλου (21 Αυγούστου)



Θεού του εν σώματι, επιφανέντος ημίν, αυτόπτης γενόμενος, και ιερός μαθητής, Θαδδαίε Απόστολε, έλαμψας τοις εν σκότει, την σωτήριον χάριν• ώφθης των εν Εδέσση ιατήρ λαμπαδούχος• διό τους προσιόντας σοι, σκέπε εκάστοτε.


----------------------------------------------------------------------------------------------------

Παναγίας Προυσιωτίσσης (22 Αυγούστου)


Παρέστης Παρθένε εκ δεξιών, του Παμβασιλέως, ως βασίλισσα του παντός, περιβεβλημένη, αθανασίας αίγλην, αρθείσα μετά δόξης προς τα ουράνια.


----------------------------------------------------------------------------------------------------

Απολυτίκιο του Αγ. Αγαθονίκου (22 Αυγούστου)



----------------------------------------------------------------------------------------------------

Απολυτίκιο Αποδ. Κοιμ. Θεοτόκου (23 Αυγούστου)



----------------------------------------------------------------------------------------------------

Λούπου Μάρτυρος (23 Αυγούστου)

Την απροσμάχητον, του Λόγου δύναμιν, Λούππε μακάριε, περιζωσάμενος, κατεπολέμησας στερρώς, τον άρχοντα της κακίας• σύ γαρ υπερέλαμψας, εν αγώσιν αθλήσεως• όθεν και απέλαβες, το βραβείον των άθλων σου, πρεσβεύων εκτενώς, αθλοφόρε, διδόναι ημίν πταισμάτων λύσιν.


----------------------------------------------------------------------------------------------------

Ιερομάρτυρος Κοσμά του Αιτωλού (24 Αυγούστου)


Θείας πίστεως, διδασκαλία, κατεκόσμησας, την Εκκλησίαν, ζηλωτής των Αποστόλων γενόμενος, σύ γαρ τη Θεία αγάπη πτερούμενος, Ευαγγελίου τον λόγον διέσπειρας και κατασπειράς τα θεία διδάγματα, μαρτυρικώς τον αγώνα ετέλεσας . Κοσμά ένδοξε, Χριστόν τον Θεόν ικέτευε, δωρήσασθαι ημίν το μέγα έλεος.


----------------------------------------------------------------------------------------------------

Βαρθολομαίου Και Τίτου Αποστόλων (25 Αυγούστου)


Απόστολοι άγιοι, πρεσβεύσατε τω ελεήμονι Θεώ, ινά πταισμάτων άφεσιν, παράσχη ταις ψυχαίς ημών.


----------------------------------------------------------------------------------------------------

Ανδριανού Και Ναταλίας Μαρτύρων (26 Αυγούστου)


Αναφαίρετον, όλβον ηγήσω, την σωτήριον, πίστιν τρισμάκαρ καταλιπών την πατρώαν ασέβειαν• και τω Δεσπότη κατ' ίχνος επόμενος, κατεπλουτίσθης ενθέοις χαρίσμασιν. Ανδριανέ ένδοξε, Χριστόν τον Θεόν ικέτευε, ομού συν Ναταλία τη θεόφρονι.


----------------------------------------------------------------------------------------------------

Αγίου Φανουρίου (27 Αυγούστου)



Ουράνιον εφύμνιον εν γή τελείται λαμπρώς, επίγειον πανήγυριν, νύν εορτάζει φαιδρώς, Αγγέλων πολίτευμα, άνωθεν υμνωδίαις ευφημούσιν τους άθλους, κάτωθεν Εκκλησία, την ουράνιον δόξαν, ην εύρες πόνοις και άθλοις, τοις σοίς Φανούριε ένδοξε.


----------------------------------------------------------------------------------------------------

Μωυσέως Αιθίοπος (28 Αυγούστου)


Των παθών καταλείψας πάτερ την Αίγυπτον, των αρετών εν τω όρει ανήλθες πίστει θερμή, τον Σταυρόν τον του Χριστού άρας επ' ώμων σου• και δοξασθείς θεουργικώς, τύπος ώφθης μοναστών, Μωσή πατέρων ακρότης. Μεθ' ών απαύστως δυσώπει, ελεηθήναι τας ψυχάς ημών.


----------------------------------------------------------------------------------------------------

Η Αποτομή της κεφαλής του Προδρόμου (29 Αυγούστου)


Μνήμη δικαίου μετ' εγκωμίων, σοι δε αρκέσει η μαρτυρία του Κυρίου, Πρόδρομε. Ανεδείχθης γαρ όντως και προφητών σεβασμιώτερος, ότι και εω ρείθροις βαπτίσαι, κατηξιώθης τον κυρηττόμενον. Όθεν της αληθείας υπερθλήσας, χαίρων ευαγγελίσω και τοις εν άδη Θεόν φανερωθέντα εν σαρκί, τον αίροντα την αμαρτίαν του κόσμου, και παρέχοντα ημίν το μέγα έλεος.


----------------------------------------------------------------------------------------------------

Αλεξάνδρου, Ιωάννου Και Παύλου Πατριαρχών Κωνσταντινουπόλεως (30 Αυγούστου)


Μύσται ουράνιοι, αποδεικνύμενοι, θείοι εκφάντορες, τω κόσμω ώφθητε, την Εκκλησίαν του Χριστού, ποιμάναντες θεαρέστως, ιερέ Αλέξανδρε, της Τριάδος ο πρόμαχος, Ιωάννη ένδοξε, της χάριτος ο τρόφιμος και Παύλε ιερέων ακρότης• όθεν υμάς ανευφημούμεν.


----------------------------------------------------------------------------------------------------

Κατάθεσις Τιμίας Ζώνης Της Θεοτόκου (31 Αυγούστου)


Θεοτόκε αειπάρθενε, των ανθρώπων η σκέπη, Εσθήτα και Ζώνην του άχραντου σου σώματος, κραταιάν τη Πόλει σου περιβολήν εδωρήσω τω ασπόρω τόκω σου, άφραρτα διαμείναντα• επί σοι γαρ και φύσις καινοτομείται και χρόνος. Διό δυσωπούμεν σε, Ειρήνην τη πολιτεία σου δώρησαι, και ταις ψυχαίς ημών το μέγα έλεος.