ΑΠΟΛΥΤΙΚΙΑ ΙΑΝΟΥΑΡΙΟΥ

ΑΠΟΛΥΤΙΚΙΑ ΙΑΝΟΥΑΡΙΟΥ


Η Περιτομή Του Κυρίου (1 Ιανουαρίου)


Μορφήν αναλλοιώτως, ανθρωπίνην προσέλαβες, Θεός ών κατ' ουσίαν, πολυεύσπλαχνε Κύριε, και Νόμον επληρών περιτομήν, θελήσει καταδέχθη σαρκικήν, ίνα παύσης τα σκιώδη, και περιέλης το κάλυμμα των παθών ημών. Δόξα τη αγαθότητι τη σή, δόξα τη ευσπλαχνία σου, δόξα τη ανεκφράστω Λόγε συγκαταβάσει σου.


----------------------------------------------------------------------------------------------------

Βασιλείου του Μεγάλου (1 Ιανουαρίου)


Εις πάσαν την γήν εξήλθεν ο φθόγγος σου, ως δεξαμένην τον λόγον σου, δι' ου θεοπρεπός εδογμάτισας, την φύσιν των όντων ετράνωσας, τα των ανθρώπων ήθη κατεκόσμησας. Βασίλειον ιεράτευμα, Πάτερ όσιε, Χριστόν τον Θεόν ικέτευε, δωρήσασθαι ημίν το μέγα έλεος.

Ο Βίος του Αγίου Βασιλείου

----------------------------------------------------------------------------------------------------

Σιλβέστρου Πάπα Ρώμης (2 Ιανουαρίου)

Στολήν ενεδυσάμενος, ιεραρχίας πίστεως, άμεμπτως ιερατεύσας, τω επι πάντων Θεώ, Πατήρ ημών Σιλβέστρε, έχων γαρ πολιτεία, συνεκλάμποντα λόγον, θαυμάσιν εβεβαίους, ευσεβείας την δόξαν, δι ης ουρανίου δόξης ώφθης συμμέτοχος.


----------------------------------------------------------------------------------------------------

Μαλαχίου Του Προφήτου (3 Ιανουαρίου)


Αγγελώνυμον κλήσιν πλουτίσας ένδοξε, αγγελομίμητον βίον επολιτεύσων εν γη. Μαλαχία Προφητών το ακροθίνιον, όθεν Αγγέλους εσχηκώς, συλλαλούντας νοερώς, επλήσθης αϋλου δόξης, και των μελλόντων την γνώσιν, διατυποίς προς φωτισμόν ημών.


----------------------------------------------------------------------------------------------------

Των Εβδομήκοντα Αποστόλων (4 Ιαννουαρίου)


Τους Εβδομήκοντα σοφούς Αποστόλους, ως ευσεβείας γεωργούς θεηγόρους, χαρμονικώς αινέσωμεν ασμάτων ωδαίς, ούτοι γαρ της πίστεως, τον σωτήριον λόγον, κόσμω εγκατέσπειραν, ως Χριστού οικονόμοι, και νύν απαύστος νέμουσιν ημίν, των επταισμένων θεόθεν την άφεσιν.


----------------------------------------------------------------------------------------------------

Απολυτίκιο του Αγ. Θεοκτίστου (4 Ιανουαρίου)


Κτίσις βασίλειος, Θεοῦ γενόμενος, βίον κατάλληλον, τῇ κλήσει ἔσχηκας, εὐαρεστήσας τῷ Θεῷ, ἐν ἔργοις δικαιοσύνης, ὅθεν Μοναζόντων σε, ποδηγέτην ἀνέδειξε, Χριστὸς ὁ φιλάνθρωπος, ὁ δεχθεὶς τοὺς ἀγῶνάς σου· ᾧ πρέσβευε ὑπὲρ τῶν βοώντων· χαίροις Θεόκτιστε θεόφρον.


----------------------------------------------------------------------------------------------------

Απολυτίκιο του Αγίου Νικηφόρου του λεπρού (4 Ιανουαρίου)


Νικηφόρου Ὁσίου, τοῦ λεπροῦ τὰ παλαίσματα, καὶ τὴν ἐν ἀσκήσει ἀνδρείαν, κατεπλάγησαν Ἄγγελοι ὡς ἄλλος γὰρ Ἰὼβ τὰ ἀλγεινά, ὑπέμεινε δοξάζων τὸν Θεόν, νῦν δὲ δόξῃ ἐστεφάνωται παρ᾽ Αὐτοῦ, θαυμάτων διακρίσεσιν. Χαίροις τῶν Μοναστῶν χειραγωγέ, χαίροις φωτὸς ὁ πρόβολος· χαίροις ὁ εὐωδίας χαρμονήν, προχέων ἐκ λειψάνων σου.


-----------------------------------------------------------------------------------------------------
Θεοπέμπτου Και Θεωνά (5 Ιανουαρίου)


Ιερωσύνης τη στύλη διαπρέπων, αθλητικώς δυσμενή εντροπώσω ως Ιεράρχης ένθεος Θεόπεμτε, όθεν προς επίγνωσιν αληθείας προσάγεις, Θεωνάν τον ένδοξον, προσελθόντα Κυρίω, μεθ' ου δυσώπει πάντοτε σοφέ, υπέρ των πίστει, τιμώντων τους άθλους σου.


----------------------------------------------------------------------------------------------------

Τα Άγια Θεοφάνεια (6 Ιανουαρίου)


Εν Ιορδάνη βαπτιζομένου σου Κύριε, η της Τριάδος εφανερώθη προσκύνησις, του γαρ Γεννήτορος η φωνή προσεμαρτύρει σοι, αγαπητόν σε Υιόν ονομάζουσα, και το Πνεύμα εν είδει περιστεράς, εβεβαίου του λόγου το ασφαλές. Ο επιφανείς Χριστέ ο Θεός, και τον κόσμον φωτίσας δόξα σοι.


----------------------------------------------------------------------------------------------------

Ιωάννου Του Προδρόμου (7 Ιανουαρίου)


Μνήμη δικαίου μετ' εγκωμίων, σοι δε αρκέσει η μαρτυρία του Κυρίου Πρόδρομε. Ανεδείχθεις γαρ όντως και προφητών σεβασμιώτερος οτι εν ρείθροις βαπτίσαι καταξιώθης τον κηρυττόμενον. Όθεν της αληθείας υπεράθλησας, χαίρων ευηγγελίσω και τοις εν άδη, Θεόν φανερωθέντα εν σαρκί, τον αίροντα την αμαρτία του κόσμου, και παρέχοντα ἡμῖν τό μέγα ἔλεος.


----------------------------------------------------------------------------------------------------

Δομνίκης Της Οσίας (8 Ιανουαρίου)

Αγάπην κρείττονι, καταυγασθείσα τον νούν, ασκήσει εξέλαμψας, ώσπερ λαμπάς φαεινή, Δομνίκα πανεύφημε, όθεν Μοναζουσών σε οδηγόν φωροφόρον, έδειξεν ο Δεσπότης δια βίου και λόγου. Ω πρέσβευε θεοφόρε, σώζεσθαι άπαντας.


----------------------------------------------------------------------------------------------------

Απολυτίκιο Αγ. Γεωργίου του Χοζεβίτου (8 Ιανουαρίου)


Γεωργήσας τον λόγον Πάτερ της χάριτος, δικαιοσύνης έδρέψω καρποφορίαν λαμπράν, ως την ένθεον ζωήν αϊρετισάμενος, όθεν της δόξης κοινωνός, ανεδείχθης του Χριστού, Γεώργιε θεοφόρε” ώ και πρεσβεύεις άπαύστως, έλεηθήναι τάς ψυχάς ημών.


----------------------------------------------------------------------------------------------------

Πολυεύκτου Μάρτυρος (9 Ιανουαρίου)


Ο μάρτυς σου Κύρις, εν τη αθλήσει αυτού, το στέφος εκομίσατο της αφθαρσίας, εκ σου του Θεού ημών, έχων γαρ την ισχύν σου, τους τυράννους καθείλεν, έθραυσε και δαιμόνων τα ανίσχυρα θράση. Αυτού ταις ικεσίαις Χριστέ ο Θεός, σώσον τας ψυχάς ημών.


----------------------------------------------------------------------------------------------------

Γρηγορίου Νύσσης (10 Ιανουαρίου)


Θείαν γρήγορσιν, ενδεδειγμένος, στόμα σύντονον, της ευσεβείας, ανεδείχθεις Ιεράρχα Γρηγόριε. Τη γαρ σοφία των θείων δογμάτων σου, της Εκκλησίας ευφραίνεις το πλήρωμα. Πάτερ Όσιε, Χριστόν τον Θεόν ικέτευε, δωρήσασθαι ημίν το μέγα έλεος.


----------------------------------------------------------------------------------------------------

Θεοδοσίου Κοινοβιάρχου (11 Ιανουαρίου)


Ταις των δακρύων σου ροαίς, της ερήμου το άγονον εγεώργησας• και τοις εκ βάθους στεναγμοίς, εις εκατόν τους πόνους εκαρποφόρησας• και γέγονας φωστήρ τη οικουμένη, λάμπων τοις θαύμασιν, Θεοδόσιε πατήρ ημών όσιε• πρέσβευε Χριστώ το Θεώ, σωθήναι τας ψυχάς ημών.

Ο Βίος του Αγίου Θεοδοσίου του Κοινοβιάρχου

----------------------------------------------------------------------------------------------------

Τατιανής Μάρτυρος (12 Ιανουαρίου)


Ισχύϊ της πίστεως, κραταιωθείσα σεμνή, νομίμως ενέθλησας, υπέρ Χριστού του Θεού, Τατιανή ένδοξε• πάσας γαρ τας ιδέας, των δεινών ενεγκούσα, ήσχυνας τον Βελίαρ, τη ατρέπτω σου στάσει• εξ ου της κακοτροπίας πάντας απάλλαξον.


----------------------------------------------------------------------------------------------------

Ερμύλου Και Στρατονίκου Μάρτυρος (13 Ιανουαρίου)


Δυάς ένθεος, ομολογούντες, την Υπέρθεον, πιστώς Τριάδα, ανεδείχθητε πανεύφημοι Μάρτυρες, ο ευκλεής και αήττητος Έρμυλος και ο στερρός και θεόφρων Στρατόνικος• Αλλ' ως σύμμορφοι, εν δόξη τη υπέρ έννοιαν, αιτήσασθε ημίν το μέγα έλεος.


----------------------------------------------------------------------------------------------------

Των Εν Σινά Και Ραϊθω Μαρτύρων (14 Ιανουαρίου)

Ως αγιόλεκτος του Λόγου χορεία, εν Σινά και Ραϊθω οι Αββάδες, αγγελικώς ηρίστευσαν άγωσιν ιεροίς• ίδρωσι γαρ ασκήσεως των αιμάτων τους όμβρους μυστικώς κεράσαντες, χαρισμάτων κρατήρα, πνευματικώς προτίθενται ημίν, εξ ου τρυφώντες αυτούς μακαρίσωμεν.


----------------------------------------------------------------------------------------------------

Απολυτίκιο της Αγ. Νίνας (14 Ιανουαρίου)


Ως ωραίοι οι πόδες σου οι ζηλώσαντες ακολουθήσαι ταίς τρίβοις των αποστόλων Χριστού, Νίνα σκεύος Παρακλήτου παμφαέστατον' όθεν τιμώντες σε πιστώς, Γεωργίας φρυκτωρέ φωτόλαμπρε, σε αιτούμεν' ημών τα σκότη λιταίς σου της αγνωσίας πόρρω σκέδασον.


----------------------------------------------------------------------------------------------------

Ιωάννου Του Καλυβίτου (15 Ιανουαρίου)


Εκ βρέφους τον Κύριον, επιποθήσας θερμώς, τον κόσμον κατέλιπες και τα εν κόσμω τερπνά, και ήσκησας άριστα• έπηξας την καλύβην, προ πυλών σων γονέων• έθραυσας των δαιμόνων, τας ενέδρας παμμάκαρ• διό σε Ιωάννη, Χριστός αξίως εδόξασεν.


----------------------------------------------------------------------------------------------------

Προσκύνησης Αλύσεως Απ. Πέτρου (16 Ιανουαρίου)


Την Ρώμην μή λιπών, προς ημας επεδήμησας, δι' ων σφόρεσας τιμίων αλύσεων, των Αποστόλων πρωτόθρονε• ας εν πίστει προσκυνούντες δεόμεθα, ταις προς Θεόν πρεσβείαις σου, δωρήσαι ημίν το μέγα έλεος.


----------------------------------------------------------------------------------------------------

Αντωνίου Του Μεγάλου (17 Ιανουαρίου)


Τον ζηλωτήν Ηλίαν τοις τρόποις μιμούμενος, τω βαπτιστή ευθείαις ταις τριβοίς επόμενος, Πάτερ Αντώνιε, της ερήμου γέγονας οικιστής, και την οικουμένην εστήριξας ευχαίς σου. Διό πρέσβευε Χριστώ τω Θεώ, σωθήναι τας ψυχάς ημών.


----------------------------------------------------------------------------------------------------

Αθανασίου και Κυρίλλου (18 Ιαννουαρίου)


Έργοις λάμψαντες ορθοδοξίας, πάσαν σβέσαντες κακοδοξίαν, νικηταί τροπαιοφόροι γεγόνατε• τη ευσεβεία τα πάντα πλουτήσαντες, την Εκκλησίαν, μεγάλως κοσμήσαντες, αξίως εύρατε Χριστόν τον Θεόν ευχαίς υμών, δωρούμενον πάσι το μέγα έλεος.


Στύλος γέγονας ὀρθοδοξίας, θείοις δόγμασιν ὑποστηρίζων, τὴν Ἐκκλησίαν Ἱεράρχα Ἀθανάσιε· τῷ γὰρ Πατρὶ τὸν Ὑιόν ὁμοούσιον, ἀνακηρύξας κατᾑσχυνας Ἄρείον· Πάτερ Ὅσιε, Χριστόν τὸν Θεόν ἱκέτευε, δωρήσασθαι ἡμῖν, τό μέγα ἔλεος.


Στολήν την ένθεον, άμφιεσάμενος, στύλος ολόφωτος, ώφθης της πίστεως, των Αποστόλων εν Σιών την χάριν κεκληρωμένος· όθεν ένδιέπρεψας, ευσέβειας τοις δόγμασι, και πιστώς έσκόρπισας, της σοφίας το τάλαντον. Και νυν υπέρ ημών έκδυσώπει, Κύριλλε Πάτερ Ίεράρχα.


----------------------------------------------------------------------------------------------------

Μάρκου Του Ευγενικού (19 Ιανουαρίου)


Θείας πίστεως ομολογία, μέγαν εύρατο η Εκκλησία, ζηλωτήν σε θειε Μάρκε πανεύφημε, υπερμαχούντα πατρώου φρονήματος και καθαιρούντα του σκότους υψώματα. Όθεν άφεσιν Χριστόν τον Θεόν ικέτευε, δωρήσασθαι ημίν τοις σε γεραίρουσιν.


----------------------------------------------------------------------------------------------------

Ευθυμίου Του Μέγα Οσίου (20 Ιανουαρίου)


Ευφραίνου έρημος η ου τικούσα, ευθήμησον η ουκ ωδίνουσα• οτι επλήθυνε σοι τέκνα, ανήρ επιθυμιών των του Πνεύματος, ευσέβεια φυτεύσας, εγκρατεία εκθρέψας, ει αρετών τελειότητα. Ταις αυτού ικεσίαις Χριστέ ο Θεός , σώσον τας ψυχάς ημών.


----------------------------------------------------------------------------------------------------

Μαξίμου Του Ομολογητού (21 Ιανουαρίου)


Θείου Πνεύματος τη επομβρία, ρείθρα έβλυσας, τη Εκκλησία, υπερκοσμίων δογμάτων πανεύφημε• θεολόγων δε του Λόγου την κένωσιν, ομολογίας άγωσι διέλαμψας. Πάτερ Μάξιμε, Χριστόν τον Θεόν ικέτευε, δωρήσασθαι ημίν το μέγα έλεος.


----------------------------------------------------------------------------------------------------

Τιμοθέου Του Αποστόλου (22 Ιανουαρίου)


Χρηστότητα εκδιδαχθείς, και νήφων εν πάσιν αγαθήν συνείδησιν ιεροπρεπώς, ενδυσάμενος, ήντλησας εκ του Σκεύους της εκλογής, τα απόρρητα, και την πίστιν τηρήσας, τον ίσον δρόμον τετέλεκας, απόστολε Τιμόθεε. Πρέσβευε Χριστώ τω Θεώ, σωθήναι τας ψυχάς ημών.


----------------------------------------------------------------------------------------------------

Κλήμεντος Άγκυρας (23 Ιανουαρίου)


Κλήμα οσιότητος, και στέλεχος αθλήσεως, άνθος ιερώτατον και καρπός θεόσδοτος, τοις πιστοίς πανίερε, ηδύτατος εβλάστησας. Αλλ' ως Μαρτύρων σύναθλος, και Ιεραρχών σύνθρονος, πρέσβευε Χριστώ τω Θεώ, σωθήναι τας ψυχάς ημών.


----------------------------------------------------------------------------------------------------

Απολυτίκιο του Αγ. Αγαθάγγελου (23 Ιανουαρίου)


Ὡς ἀγαθῶν ἀγγελιῶν προμηθέα, τῆς πρὸς ἠμᾶς τοῦ Ἰησοῦ εὐσπλαχνίας, χαρμονικῶς ὑμνοῦμεν σὲ Μαρτύρων στέρρεσυ γὰρ Ἀγαθάγγελε, ἐναθλήσας νομίμως, στάσεως ἠξίωσαι τῆς Ἀγγέλων ἀζίως, μεθ” ὧν πρεσβεύοις πάντοτε Χριστῷ, πάσης ρυσθήναι, ἠμᾶς περιστάσεως.


----------------------------------------------------------------------------------------------------

Νεοφύτου Εγκλείστου (24 Ιανουαρίου)


Των Λευκάρων το κλέος και Κυπρίων το καύχημα, Μονής Εγκλείστρας Πολιούχε, Θεοφόρε Πατήρ ημών Νεόφυτε, νηστεία, αγρυπνία, προσευχή και έγκλειστος εν άντρω καρτερών, θείαν χάριν εκομίσω, ην πιστοίς νύν παρέχει θήκη Λειψάνων σου. Δόξα τω ταύτη βραβεύσαντι ημίν, δόξα τω σε δοξάσαντι, δόξα τω χορηγούντι δια σού πάσιν ιάματα.


----------------------------------------------------------------------------------------------------

Ξένης Της Οσίας (24 Ιανουαρίου)


Εν σοι Μήτερ, ακριβώς διεσώθη το κατ' εικόνα• λαβούσα γαρ τον σταυρόν, ηκολούθησας τω Χριστώ• και πράττουσα εδίδασκες υπεροράν μέν σαρκός, παρέρχεται γαρ• επιμελείσθαι δε ψυχής, πράγματος αθανάτου• διό και μετά Αγγέλων συναγάλλεται, οσία Ξένη το πνεύμα σου.


----------------------------------------------------------------------------------------------------

Γρηγορίου Θεολόγου (25 Ιανουαρίου)


Ο ποιμενικός αυλός της θεολογίας σου, τας των ρητόρων ενίκησε σάλπιγγας• ως γαρ τα βάθη του Πνεύματος εκζητήσαντι, και τα κάλλη του φθέγματος προσετέθη σοι• Αλλά πρέσβευε Χριστώ τω Θεώ, πάτερ Γρηγόριε, σωθήναι τας ψυχάς ημών.


----------------------------------------------------------------------------------------------------

Ξενοφώντος Οσίου (26 Ιανουαρίου)


Ως γενεά ευλογητή τω Κυρίω, της ουρανίου ηξιώθησαν δόξης, ασκητικώς δοξάσαντες Χριστόν επι της γής, Ξενοφων ο Όσιος, και η τούτου συμβία, συν τοις αριστεύσασιν, ιερείς αυτών τέκνοις, ους ευφημούντες είπομεν φαιδρώς, χαίροις Οσίων, χορεία τετράριθμε.


----------------------------------------------------------------------------------------------------

Ανακομιδή Λειψάνων Αγίου Ιωάννου Του Χρισοστόμου (27 Ιανουαρίου)


Η του στόματος σου καθάπερ πυρσός εκλάμψασα χάρις, την οικουμένην εφώτησεν• αφιλαργυρίας τω κόσμω θησαυρούς εναπέθετο• το ύψος ημίν της ταπεινοφροσύνης υπέδειξεν. Αλλά σοις λόγοις παιδεύων, Πάτερ Ιωάννη Χρυσόστομε, πρέσβευε τω Λόγω Χριστώ τω Θεώ, σωθήναι τας ψυχάς ημών.


----------------------------------------------------------------------------------------------------

Εφραίμ Οσίου (28 Ιανουαρίου)


Ταις των δακρύων σου ροαίς, εγεώργησας• και τοις εκ βάθους στεναγμοίς, εις εκατόν τους πόνους εκαρποφόρησας• και γέγονας φωστήρ, τη οικουμένη λάμπων τοις θαύμασιν, Εφραίμ πατήρ ημών όσιε. Πρέσβευε Χριστώ τω Θεώ, σωθείναι τας ψυχάς ημών.


----------------------------------------------------------------------------------------------------

Ιγνατίου Θεοφόρου (29 Ιανουαρίου)


Και τρόπων μέτοχος, και θρόνων διάδοχος, των Αποστόλων γενόμενος, την πράξιν εύρες θεόπνευστε, εις θεωρίας επίβασιν• δια τούτο τον λόγον της αληθείας ορθοτομών, και τη πίστει ενήθλησας μέχρις αίματος, ιερομάρτυς Ιγνάτιε. Πρέσβευε Χριστώ τω Θεώ, σωθήναι τας ψυχάς ημών.


----------------------------------------------------------------------------------------------------

Των Τριών Ιεραρχών (30 Ιανουαρίου)


Τους τρείς μέγιστους φωστήρας της τρισηλίου Θεότητος, τους την οικουμένην άκτισι δογμάτων θείων πυρσεύσαντας, τους μελιρρύτους ποταμούς της σοφίας, τους την κτίσιν πάσαν θεογνωσίας νάμασιν καταρδεύσαντας. Βασίλειον τον μέγαν , και τον Θεολόγον Γρηγόριον , συν τω κλεινώ Ιωάννη , τω την γλώτταν χρυσορρήμονι. Πάντες οι των λόγων αυτών ερασταί, συνελθόντες ύμνοις τιμήσωμεν, αυτοί γαρ τη Τριάδι, υπέρ ημών αεί πρεσβεύουσι.

ΑΠΟΛΥΤΙΚΙΑ ΦΕΒΡΟΥΑΡΙΟΥ

ΑΠΟΛΥΤΙΚΙΑ ΦΕΒΡΟΥΑΡΙΟΥ

Τρύφωνος Μάρτυρος (1 Φεβρουαρίου)
{προστάτου των κηπουρών και αμπελουργών}


Τρυφήν την ακήρατον, ιχνηλατών εκ παίδος, βασάνους υπήνεγκας υπερ Χριστού του Θεού, και ήθλησας άριστα, όθεν την των θαυμάτων, κοιμισάμενος χάριν, λύτρωσαι πάσης βλάβης, και παντοίας ανάγκης, Τρύφων Μεγαλομάρτυς, τους σέ μακαρίζοντας.


----------------------------------------------------------------------------------------------------

Η Υπαπαντή Του Κυρίου (2 Φεβρουαρίου)


Χαίρε κεχαριτωμένη Θεοτόκε Παρθένε, εκ σού γάρ ανέτειλεν ο Ήλιος της Δικαιωσύνης, Χριστός ο Θεός ημών, φωτίζων τους εν σκότει. Ευφραίνου και σύ Πρεσβύτα δίκαιε, δεξάμενος εν αγκάλαις, τον ελευθερωτήν των ψυχών ημών, χαριζόμενον ημίν και την Ανάστασιν.


----------------------------------------------------------------------------------------------------

Συμεών Του Θεοδόχου (3 Φεβρουαρίου)


Ο μήτραν παρθενικήν αγιάσας τω τόκω σου, και χείρας του Συμεών ευλογήσας , ως έπρεπε, προφθάσας και νυν, έσωσας ημάς, Χριστέ ο Θεός. Αλλ' ειρήνευσον εν πολέμοις το πολίτευμα, και κραταίωσον βασιλείς, ους ηγάπησας, ο μόνος φιλάνθρωπος.


----------------------------------------------------------------------------------------------------

Ισιδώρου Οσίου (4 Φεβρουαρίου)


Σοφία κοσμούμενος, παντοδαπεί ευκλεώς, τοις λόγοις εκστόμησας, την Εκκλησίαν Χριστού, Ισίδωρε, Όσιε• συ γαρ δι εγκρατείας, σεαυτόν εκκαθάρας, πράξει και θεωρία διαλάμπεις εν κόσμω• δι' ων μυσταγωγούμεθα, Πάτερ τα κρείττονα.


----------------------------------------------------------------------------------------------------

Αγαθής Μάρτυρος (5 Φεβρουαρίου)


Ρόδον εύοσμον, της παρθενίας, νύμφη άφθορος, του Ζωοδότου ανεδέδειξαι• Αγαθή πανεύφημε• των αγαθών την πηγήν γαρ ποθήσασα μαρτυρικώς εν τω κόσμω διέπρεψας• μάρτυς ένδοξε, λιταίς σου θείαις αγάθυνον, τους πόθω μεγαλύνοντας τους άθλους σου.


----------------------------------------------------------------------------------------------------

Φωτίου Πατριάρχου Κωνσταντινουπόλεως (6 Φεβρουαρίου)


Ως των αποστόλων ομότροπος και της οικουμένης διδάσκαλος, τω Δεσπότη των όλων ικέτευε Φώτιε, ειρήνην τη οικουμένη δωρήσασθαι, και ταις ψυχαίς ημών το μέγα έλεος.


----------------------------------------------------------------------------------------------------

Παρθενίου Λαμψάκου (7 Φεβρουαρίου)


Τω μύρω του Πνεύματος, ποιμήν Λαμψάκου οφθείς, την θείαν ενέργειαν, παρά Θεού δαψιλώς, θαυμάτων επλούτησας, δαίμονας απελαύνειν, ασθενούντας ιάσθαι, νόσους αποδιώκειν, και πληρούν τας αιτήσεις Παρθένιε Ιεράρχα, των προσιόντων σοι.


----------------------------------------------------------------------------------------------------

Θεοδώρου Στρατηλάτου (Κινητή εορτή)


Στρατολογία αληθεί αθλοφόρε,του ουρανίου στρατηγός βασιλέως, περικαλλής γεγένησαι Θεόδωρε όπλοις γαρ της πίστεως, παρέταξω εμφρόνως, και κατεξωλόθρευσας των δαιμόνων τα στίφη, και νικηφόρος ώφθης αθλητής• όθεν σε πίστει αεί μακαρίζομεν.


----------------------------------------------------------------------------------------------------

Νικηφόρου Μάρτυρος (9 Φεβρουαρίου)


Αγάπης τω δεσμώ, συνδέθεις Νικηφόρε, διέλυσας τρανώς, την κακίαν του μίσους• και ξίφει την κάραν σου εκτμηθείς, εχρημάτισας Μάρτυς ένθεος, του σαρκωθέντος Σωτήρος• ον ικέτευε, υπέρ ημών των υμνούντων, την ένδοξον μνήμην σου.


----------------------------------------------------------------------------------------------------

Χαραλάμπους Ιερομάρτυρος (10 Φεβρουαρίου)


Ώς στύλος ακλόνητος, της Εκκλησίας Χριστού, και λύχνος αείφωτος, της οικουμένης σοφέ, εδείχθης Χαράλαμπες. Έλαμψας εω τω κόσμω δια του μαρτυρίου,έλυσας και ειδώλων την σκοτομαίναν μάκαρ. Διό εν παρρησία Χριστώ, πρέσβευε σωθήναι ημάς.


----------------------------------------------------------------------------------------------------

Βλασίου Ιερομάρτυρος (11 Φεβρουαρίου)


Φερώνυμως βλαστήσας ως δένδρον εύκαρπον, Ιεράρχα Κυρίου Βλάσιε ένδοξε, μαρτυρίου τους καρπούς κόσμω προήγαγες και θαυμάτων δωρέας, αναβλύζεις δαψιλώς, ως θείος Ιερομάρτυς, τοις καταφεύγουσι Πάτερ, τη αντιλήψει της πρεσβείας σου.


----------------------------------------------------------------------------------------------------

Μελετίου Οσίου (12 Φεβρουαρίου)


Νόμον ένθεον εμελέτησας, την ουράνιον, γνώσιν εκλάμπεις, τη Εκκλησία Ιεράρχα Μελέτιε• την γαρ Τριάδα κηρύττων ομότιμον, αιρετικών διαλύεις τας φάλαγγας. Πάτερ Όσιε, Χριστόν τον Θεόν ικέτευε, δωρήσασθαι ημίν το μέγα έλεος.


----------------------------------------------------------------------------------------------------

Μαρτινιανού Οσίου (13 Φεβρουαρίου)


Την φλόγαν των πειρασμών, δακρύων τοις οχετοίς, εναπόσβεσας μακάριε, και της θαλάσσης τα κύματα, και των θηρών τα ορμήματα, χαλινώσας, εκραύγαζες. Δεδοξασμένος ει Παντοδύναμε, πυρός και ζάλης ο σώσας με.


----------------------------------------------------------------------------------------------------

Αυξεντίου Οσίου (14 Φεβρουαρίου)


Ώσπερ φοίνιξ ηυξήνθης Πάτερ υψίκομος, δικαιοσύνης εκφέρων τους ψυχοτρόφους καρπούς• συ γαρ βίον ιερόν πολιτευσάμενος και θαυμάτων αυτουργός, Αυξέντιε ανεδείχθης, δια παντός ικετεύων, ελεηθήναι τας ψυχάς ημών.


----------------------------------------------------------------------------------------------------

Ονησίμου Του Αγίου (15 Φεβρουαρίου)


Ως ακτίς εξέλαμψας τη οικουμένη, ταις βολαίς λαμπόμενος, ηλίου μάκαρ παμφαούς, Παύλου τον κόσμον φωτίσαντος• διό σε πάντες τιμώμεν• Ονήσιμε.


----------------------------------------------------------------------------------------------------

Παμφίλου Και Των Συν Αυτώ Μαρτύρων (16 Φεβρουαρίου)


Την δωδεκάριθμον, Μαρτύρων φάλαγγα, ανευφημήσωμεν, ενθέοις, άσμασι. Πάμφιλον, Παύλον, Σαμουήλ, Ουαλέντα και Ηλίαν, Ιερεμίαν, Σέλευκον, Δανιήλ και Πορφύριον, Ιουλιανόν ομού Ησαϊαν, Θεόδουλον• αυτοί γαρ τον Δεσπότην των όλων, πάσιν ημίν εξιλεύονται.


----------------------------------------------------------------------------------------------------

Θεοδώρου Τήρωνος (Κινητή εορτή)


Μεγάλα τα της πίστεως κατορθώματα! εν τη πηγή της φλογός, ως επι ύδατος αναπαύσεως , ο άγιος μάρτυς Θεόδωρος ηγάλλετο• πυρί γαρ ολοκαυτωθείς, ως άρτος ηδύς, τη Τριάδι προσήνεκται. Ταις αυτού ικεσίαις, Χριστέ ο Θεός, σώσον τας ψυχάς ημών.


----------------------------------------------------------------------------------------------------
Λέοντος Πάπα Ρώμης (18 Φεβρουαρίου)


Κανόνα πίστεως και εικόνα πραότητος, εγκρατείας διδάσκαλον, ανεδειξέ σε τη ποίμνη σου, η των πραγμάτων αλήθεια• δια τούτο εκτήσω τη ταπεινώσει τα υψηλά, τη πτωχεία τα πλούσια, πάτερ ιεράρχα Λέον• πρέσβευε Χριστώ τω Θεώ, σωθήναι τας ψυχάς ημών.


----------------------------------------------------------------------------------------------------

Φιλοθέης Αθηναίας (19 Φεβρουαρίου)


Αθηναίων η πόλις η περιώνυμος, Φιλοθέην τιμά την Οσιομάρτυρα, και ασπάζεται αυτής το θείον λείψανον, οτι εβίωσε σεμνώς και μετήλλαξε το ζήν, αθλήσει και μαρτυρίω, και πρεσβεύει προς τον Σωτήρα, διδόναι πάσι το θείον έλεος.


----------------------------------------------------------------------------------------------------

Λέοντος Κατάνης (20 Φεβρουαρίου)


Ιερέων ακρότης ευσεβείας διδάσκαλος, και θαυματουργός ανεδείχθης Ιεράρχα πανόλβιε• ήθων γαρ ουρανίων τω φωτί, του Πνεύματος πλουτήσας την ισχύν, θεραπεύεις τους νοσούντας και τας ψυχάς. Λέον των προσιόντων σοι. Δόξα τω σε δοξάσαντι, δόξα τω σε στεφανώσαντι, δόξα τω ενεργούντι δια σου, πάσιν ιάματα.


----------------------------------------------------------------------------------------------------

Ευσταθίου Αντιοχείας (21 Φεβρουαρίου)


Θείας εμπλεώς σοφίας πελών, ομοούσιον Πατρί τον Λόγον, εν τη Συνόδω τη Πρώτη εκήρυξας και διωγμοίς ομιλήσας και θλίψεσιν, δόξης αρρήτου μετέσχες Ευστάθιε. Πάτερ Όσιε, Χριστόν τον Θεόν ικέτευε, δωρήσασθαι ημίν το μέγα έλεος.


----------------------------------------------------------------------------------------------------

Ανθούσης Και Λιμναίου Μαρτύρων (22 Φεβρουαρίου)


Ως ρόδα νοητά και χαρίτων ταμεία, εφάνησαν εκ γής, τα σεπτά. Υμνών σκηνή, πανένδοξοι μάρτυρες , Εκκλησίας εδραίωμα, διαπνέοντα των ιαμάτων την χάριν, και παρέχοντα οσμήν ζωής τοις εκ πόθου, Υμάς μακαρίζουσι.


----------------------------------------------------------------------------------------------------

Πολυκάρπου Σμύρνης (23 Φεβρουαρίου)


Την κλήσιν τοις έργοις σου, επισφραγίσας σοφέ, ελαία κατάκαρπος, ώφθης εν οίκο Θεού, Πολύκαρπε ένδοξε• συ γαρ ως Ιεράρχης, και στερρός Αθλοφόρος, τρέφεις την Εκκλησίαν, λογική ευκαρπία, πρεσβεύων Ιερομάρτυς υπέρ των ψυχών ημών.


----------------------------------------------------------------------------------------------------

Εύρεσης Τιμίας Κάρας Αγίου Ιωάννου Του Προδρόμου (24 Φεβρουαρίου)


Εκ γής ανατείλασαμ η του Προδρόμου Κεφαλή, ακτίνας αφίησι της αφθαρσίας, πιστοίς των ιάσεων• άνωθεν συναρθροίζει, την πλήθυν των Αγγέλων, κάτωθεν συγκαλείται των ανθρώπων το γένος, ομόφωνον αναπέμψαι, δόξαν Χριστώ τω Θεώ.


----------------------------------------------------------------------------------------------------

Ταρασίου Του Αγίου (25 Φεβρουαρίου)


Ορθοδοξίας δόγμασι, την Εκκλησίαν φαιδρύνας, και Χριστού μακάριε, την σεβάσμιαν Εικόνα, σέβεσθαι και προσκυνείσθαι πάσιν διδάξας, ήλεγκξσας Εικονομάχων άθεον δόγμα• δια τούτο σοι βοώμεν. Ω Πάτερ, χαίροις σοφέ Ταράσιε.


----------------------------------------------------------------------------------------------------

Πορφυρίου Γάζης (26 Φεβρουαρίου)


Πορφυραυγέσιν αρετών λαμπηδόσι, καταλαμπρύνας σεαυτόν Ιεράρχα, καθάπερ φως εξέλαμψας Πορφύριε σοφέ• λόγοις γαρ και θαύμασιν, αληθώς διαπρέψας, πάσιν εβεβαίωσας, ευσεβείας την χάριν• και νύν Χριστώ αϋλος λειτουργών, υπέρ του κόσμου, μη παύση δεόμενος.


----------------------------------------------------------------------------------------------------

Προκοπίου Ομολογητού (27 Φεβρουαρίου)


Ταις των δακρύων σου ροαίς, της ερήμου το άγονον εγεώργησας, και τοις εκ βάθους στεναγμοίς, εις εκατόν τους πόνους εκαρποφόρησας• και γέγονας φωστήρ, τη οικουμένη λάμπων τοις θαύμασι. Προσκόπιε πατήρ ημών όσιε, πρέσβευε Χριστώ τω Θεώ, σωθήναι τας ψυχάς ημών.


----------------------------------------------------------------------------------------------------

Βασιλείου Του Ομολογητού (28 Φεβρουαρίου)


Βασίλειον δώρημα, της Εκκλησίας Χριστού, εδείχθης Βασίλειε, ως βασιλεύσας παθών τοις θείοις σου σκάμμασι• συ γαρ ομολογία, τον σον βίον φαιδρύνας, λάμπεις δι' αμφοτέρων, ως αστήρ σελασφόρων• εντεύθεν της ασαλεύτου βασιλείας ηξίωσαι.

ΑΠΟΛΥΤΙΚΙΑ ΜΑΡΤΙΟΥ

ΑΠΟΛΥΤΙΚΙΑ ΜΑΡΤΙΟΥ

Ευδοκίας Οσιομάρτυρος (1 Μαρτίου)


Φόβον ένθεον, αναλαβούσα, κόσμου έλιπες, την ευδοξίαν, και τω Λόγω Ευδοκία προσέδραμες• ου τον ζυγόν τη σαρκί σου βαστάσασα, υπερφυώς ηγωνίσω δι' αίματος. Μάρτυς ένδοξε, Χριστόν τον Θεόν ικέτευε, δωρήσασθαι ημίν το μέγα έλεος.


----------------------------------------------------------------------------------------------------

Αγίου Νικολάου Πλανά (2 Μαρτίου)


Τας του πλάνου εκφυγών, ιερώτατε, απλανώς εκπορεύθης δια βίου, πατήρ ημών. Νικόλαε αοίδιμε Πλανά, ουράνια χαρίσματα λαβών, αγρυπνίαις και νηστείαις• ιερουργών οσίως τω Κυρίω σου. Όνπερ καθικετεύων εκτενώς. Άξιον ιεράτευμμα, πρέσβευε δωρηθήναι και ημίν το θείον έλεος.


----------------------------------------------------------------------------------------------------

Ευτροπίου Κλεονίκου Μαρτύρων (3 Μαρτίου)


Το τρίστοιχον άθροισμα των Αθλητών του Χριστού, Ευτρόπιον μέλψωμεν, συν θείον Κλεόνικον• ούτοι γαρ της Τριάδος, το υπέρθεον κράτος, άθλοις υπερφυέσιν, ωμολόγησαν πάσιν• η πάντοτε πρεσβεύουσι, σώζεσθαι άπαντας.


----------------------------------------------------------------------------------------------------

Γερασίμου Οσίου (4 Μαρτίου)


Χριστώ εκ νεότητος, ακολούθησας πιστώς, ζωήν την ισάγγελον, επολιτεύσω σαφώς. Γεράσιμε Όσιε• συ γαρ εν Ιορδάνου, διέλαμψας τη χώρα, θήρα καθυποτάσσεις, τη στερρά σου ασκήσει. Χριστός γαρ ον εθαυμάστωσε.


----------------------------------------------------------------------------------------------------

Κόνωνος Οσίου (5 Μαρτίου)


Την χάριν του Πνεύματος, ενδεδυμένος σοφέ, το κράτος διέλυσας, της ασεβείας στερρώς, εκλάμπων τοις θαύμασιν• όθεν πεφοινιγμένος, ταις ροαίς των αιμάτων , Κόνων Οσιωμάρτυς, τον Δεσπότην δοξάζεις, τον παρέχοντα ημίν δια σου, χάριν και έλεος.


----------------------------------------------------------------------------------------------------

Των 42 μαρτύρων εν Αμορίω (6 Μαρτίου)


Οι εν τη γή δια Χριστόν ηθληκότες, αναδείχθέντες ευσεβείς στεφένιται, τους ουρανούς ελάβετε οικείν εν χαρά• πάσαν γαρ επίνοιαν, του εχθρού καθελόντες, πόνοις και τοις αίμασι, των υμών παλαισμάτων, τοις ευφημούσιν άνωθεν αεί, των οφλημάτων την λύσιν βραβεύετε.


----------------------------------------------------------------------------------------------------

Αιθερίου, Ελπιδίου, Καπιτώνος Αγίων (7 Μαρτίου)


Επτάριθμος σύλλογος, Ιεραρχών ιερών, άγωσιν αθλήσεως, την Εκκλησίαν Χριστού, ενθέως εφαίδρυναν, Ευγένιος, Βασιλεύς τε, συν Εφραίμ, Αιθερίω, Ελπίδιος και Καπίτων. Αγαθόδωρος άμα. Αυτών Χριστέ ικεσίαις, πάντας ελέησον.


----------------------------------------------------------------------------------------------------

Θεοφύλατου Επισκόπου Νικομήδειας (8 Μαρτίου)


Λαθών εβίωσας, παναοίδιμε• αλλ' ο Χριστός σε πάσιν ανέδειξεν, ως φωστήρα φθεγγόμενον, λυχνίαν επιθείς την νοητήν, και πλάκας ενεχείρισε δογμάτων των του Πνεύματος, δι' ων καταύγασον ημάς.


----------------------------------------------------------------------------------------------------

Αγίων Σαράντα Μαρτύρων (9 Μαρτίου)


Τας αλγηδόνας των Αγίων, άς υπέρ σού έπαθων, δυσώπήθητι, Κύριε, και πάσας ημών τας οδύνας ίασαι, φιλάνθρωπε δεόμεθα.


----------------------------------------------------------------------------------------------------

Κορδάτου Ανέκτου (10 Μαρτίου)


Εξάριθμος χορός των Χριστού Αθλοφόρων, υμνείσθω ευσεβώς, μελωδίαις ασμάτων. Κορδάτος και Άνεκτος, Παύλος και Διονύσιος και συν Κρήσκεντι, Κυπριανός ο θεόφρων την Τριάδα γαρ, διηνεκώς δυσωπούσιν, υπέρ των ψυχών ημών.


----------------------------------------------------------------------------------------------------

Σωφρονίου Πατριάρχου Ιεροσολύμων (11 Μαρτίου)


Σωφρόνως τον βίον σου, διαγαγών εκ παιδός, την χάριν του Πνεύματος, εισεποιήσω σαφώς, Σωφρόνιε πάνσοφε• όθεν ιεραρχίας, ταις άκτισιν εκλάμψας, ώφθης της ευσεβείας, ευκλεής υποφήτης. Και νυν δυσώπει Όσιε, υπερ των τιμώντων σε.


----------------------------------------------------------------------------------------------------

Γρηγορίου Διαλόγου (12 Μαρτίου)


Στόμα γρήγορον, καταπλουτήσας, νομεύς άριστος, του θείου λόγου ανεδείχθης Ιεράρχα Γρηγόριε• των αρετών γαρ εκφάντωρ γενόμενος, δικαιοσύνης εκφαίνεις την έλλαμψιν. Πάτερ Όσιε, Χριστόν τον Θεόν ικέτευε, δωρήσασθαι ημίν το μέγα έλεος.


----------------------------------------------------------------------------------------------------

Νικηφόρου Πατριάρχου Κων/πόλεως (13 Μαρτίου)


Νίκην ήνεγκε, τη Εκκλησία, η σή ένθεος, ομολογία, Ιεράρχα Νικηφόρε θεόληπτε• την γαρ εικόνα του Λόγου σεβόμενος, υπερωρία αδίκως ωμίλησας. Πάτερ Όσιε Χριστόν τον Θεόν ικέτευε, δωρήσασθαι ημίν το μέγα έλεος.


----------------------------------------------------------------------------------------------------

Ά Χαιρετισμοί Της Θεοτόκου (Κινητή εορτή)


Άγγελος πρωτοστάτης, ουρανόθεν επέμφθη, ειπείν τη Θεοτόκω το χαίρε• και συν τη ασωμάτω φωνή σωματούμενον σε θεωρών Κύριε, εξίστατο και ίστατο, κραυγάζων προς αύτην τοιαύτα. Χαίρε, δι' ης η χαρά εκλάμψει• χαίρε, δι' ης η αρά εκλείψει.


----------------------------------------------------------------------------------------------------

Απολυτίκιο του Αγ. Βενεδίκτου (14 Μαρτίου)


Τὴν φερώνυμον κλῆσιν ἀληθεύουσαν ἔδειξας, τοῖς ἀσκητικοῖς σου ἀγῶσι, θεοφόρε Βενέδικτε· υἱός γὰρ εὐλογίας τεθηλώς, ἀρχέτυπον ἐγένου καὶ κανών, τοῖς ἐκ πόθου μιμουμένοις τὴν σὴν ζωήν, καὶ ὁμοφώνως κράζουσι· δόξα τῷ δεδωκότι σοι ἰσχύν, δόξα τῷ σὲ στεφανώσαντι, δόξα τῷ ἐνεργοῦντι διὰ σοῦ, πᾶσιν ἰάματα.


----------------------------------------------------------------------------------------------------

Θεοδώρου Τήρωνος (Κινητή εορτή Το Σάββατο μετά την Καθαρά Δευτέρα)


Μεγάλα τα της πίστεως κατορθώματα! Εν τη πηγή της φλογός, ως επι ύδατος αναπαύσεως, ο άγιος μάρτυς Θεόδωρος ηγάλλετο• πυρί γαρ ολοκαυτωθής, ως άρτος ηδύς, τη Τριάδι προσήνεκται. Ταις αυτού ικεσίαις Χριστέ ο Θεός, σώσον τας ψυχάς ημών.


----------------------------------------------------------------------------------------------------

Απολυτίκιο του Αγ. Αγαπίου (15 Μαρτίου)


Ἀγάπη τοῦ Κτίσαντος, πεπυρσευμένος τὸν νοῦν, χορείαν συνήθροισας, πανευκλεῶν Ἀθλητῶν, Ἀγάπιε ἔνδοξε, ὅθεν σὺν τούτοις Μάρτυς, ἀριστεύσας νομίμως, ξίφει τὸν σὸν αὐχένα, σὺν αὐτοὶς ἀπετμήθης, μεθ' ὧν ἐκδυσώπει, δοῦναι ἠμὶν ἄφεσιν.


----------------------------------------------------------------------------------------------------

Οσίου Χριστοδούλου (16 Μαρτίου)


Της Νίκαιας τον γόνον και της Πάτμου το καύχημα, και των μοναζόντων το κλέος, θεοφόρον Χριστόδουλον, τιμήσωμεν εν ύμνοις αδελφοί, το σκήνος προσπτυσσόμενοι αυτού, ίνα λάβωμεν την ίασιν των ψυχών, και των σωμάτων κράζοντε. Δόξα τω δεδοκότι σοι ισχύν, δόξα τω σέ στεφανώσαντι, δόξα τω ενεργούντι δια σού, πάσιν ιάματα.


----------------------------------------------------------------------------------------------------

Αλεξίου Ανθρώπου Του Θεού (17 Μαρτίου)


Εκ ρίζης εβλάστησας, περιφανούς και κλεινής, εκ πόλεως ήνθησας, βασιλικής και λαμπράς. Αλέξιε πάνσοφε• πάντων δ' υπερφόνησας ως φθαρτών και ρεόντων, έσπευσας συναφθήναι, τω Χριστώ και Δεσπότη. Αυτόν ουν εκδυσώπει αεί, υπέρ των ψυχών υμών.


----------------------------------------------------------------------------------------------------

Κυρίλλου Αρχιεπισκόπου Ιεροσολύμων (18 Μαρτίου)


Στολήν την ένθεον, αμφιασάμενος, στύλος ολόφωτος, ώφθης της πίστεως, των Αποστόλων εν Σιών την χάριν κεκληρωμένος• όθεν ενδιέπρεψας, ευσεβείας τοις δόγμασι, και πιστώς εσκόρπισας, της σοφίας το τάλαντον. Και νών υπερ ημών εκδυσώπει, Κύριλλε Πάτερ Ιεράρχα.


----------------------------------------------------------------------------------------------------

Χρυσάνθου Και Δαρείας Μαρτύρων (19 Μαρτίου)


Την συμπνούν ξυνωρίδα των Μαρτύρων τιμήσωμεν, Χρύσανθον αγνείας το άνθος, και Δαρείαν την πάνσεμνον• τη πίστει ενωθέντες γαρ σεπτώς, εδέχθησαν του Λόγου κοινωνοί, εναθλήσαντες νομίμως υπερ αυτού, και σώζουσι τους ψάλλοντας δόξα τω ενισχύσαντι υμάς, δόξα τω στεφανώσαντι, δόξα τω ενεργούντι δι' ημων, πάσιν ιάματα.


----------------------------------------------------------------------------------------------------

Κλαυδίας Και Μύρωνος Μαρτύρων (20 Μαρτίου)

Οι Μάρτυρες σου Κύριε, εν τη αθλήσει αυτών, στεφάνους εκομίσαντο της αφθαρσίας, εκ σου γαρ του Θεού ημων• σχόντες γαρ την ισχύν σου, τους τυράνους καθειλόν• έθραυσαν, και δαιμόνων, τα ανίσχυρα θράση. Αυτών ταις ικεσίαις, Χριστέ ο Θεός, σώσον τας ψυχάς ημων.

----------------------------------------------------------------------------------------------------

Β' Χαιρετισμοί Της Θεοτόκου (Κινητή εορτή)

Ήκουσαν οι ποιμένες των Αγγέλων υμνούντων την ένσαρκον Χριστού παρουσίαν και δραμόντες ως προς ποιμένα, θεωρούσι τούτον ως αμνόν άμωμον εν τη γαστρί Μαρίας βοσκηθέντα ην υμνούντες είπον. Χαίρε, αμνού και ποιμένος μήτηρ• χαίρε αυλή λογικών προβάτων.
----------------------------------------------------------------------------------------------------

Απολυτίκιο Αγ. Ιακώβου του Ομολογητού (21 Μαρτίου)


Ἐγκράτειας ἐκλάμψας Πάτερ Ἰάκωβε, ὡς Ἱεράρχης τοῦ Λόγου καὶ ἀληθὴς λειτουργός, ὠρθοτόμησας πιστῶς λόγον τὸν ἔνθεον οὗπερ τὴν χάριν βέβαιων, δι' ἀγώνων εὐαγῶν, ἐδίδαξας προσκυνεῖσθε, τὴν τοῦ Σωτῆρος Εἰκόνα, ὦ καὶ πρεσβεύεις ὑπὲρ πάντων ἠμῶν.


----------------------------------------------------------------------------------------------------

Βασιλείου Ιερομάρτυρος (22 Μαρτίου)


Θείου πνεύματος, τη επινεύσει χρίσμα άγιον ιερωσύνης επαξίως υπεδέξω, Βασίλειε• όθεν ως θύμα βασίλειον έθυσας τω Βασιλεί των αιώνων τους άθλους σου Πάτερ Όσιε, Χριστόν τον Θεόν ικέτευε δωρήσασθαι ημίν το μέγα έλεος.


----------------------------------------------------------------------------------------------------

Γρηγορίου Παλαμά (23 Μαρτίου)

Ορθοδοξίας ο φωστήρ. Εκκλησίας το στήριγμα και διδάσκαλε, των μοναστών η καλλονή, των θεολόγων υπέρμαχος απροσμάχητος. Γρηγόριε θαυματουργέ, Θεσσαλονίκης το καύχημα, Κήρυξ της χάριτος, ικέτευε διαπαντός, σωθήναι τας ψυχάς ημών.


----------------------------------------------------------------------------------------------------

Απολυτίκιο Αγ. Νίκων και των συν αυτώ (23 Μαρτίου)


Νικήσας τὸν δόλιον, ἄσκητικαις ἀγωγαίς, κανὼν ἐχρημάτισας, τῶν σῶν κλεινῶν φοιτητῶν, ἀκρότητι βίου σου, ὅθεν σὺν τούτοις ἅμα, γεγονῶς ἐν τὴ Δύσει, ἔδυσας ἐν ἀθλήσει, σὺν αὐτοὶς Πάτερ Νίκων, μεθ' ὧν καὶ κατεφοίτησας αἴγλη τὴ ἄνωθεν.


----------------------------------------------------------------------------------------------------

Προεόρτια Ευαγγελισμού (24 Μαρτίου)

Σήμερον της παγκοσμίου χαράς τα προοίμια μερά χαρμοσύνης προεορτάσωμεν• ιδού γαρ Γαβριήλ παραγίνεται, τη Παρθένω κομίζων τα ευαγγέλια, άμα και φόβω και θαύματι. Χαίρε κεχαριτωμένη, ο Κύριος μετά σου.


----------------------------------------------------------------------------------------------------

Απολυτίκιο του Αγ. Αρτέµονος (24 Μαρτίου)


Θεία Χάριτη ιερατεύσας, φύσιν άλογον, τω ρήματί σου, υπακούουσαν έσχηκας, Άγιε, και εναθλήσας Αρτέμων στερρότατα, διπλών στεφάνων θεόθεν ηξίωσαι, Πάτερ Όσιε, Χριστόν τον θεόν ικέτευε, δωρήσασθαι ημίν το μέγα έλεος.


----------------------------------------------------------------------------------------------------

Ευαγγελισμός Της Θεοτόκου (25 Μαρτίου)


Σήμερον της σωτηρίας ημών το κεφάλαιον, και του απ' αιώνος Μυστηρίου η φανέρωσις• ο Υιός του Θεού, Υιός της Παρθένου γίνεται, και Γαβριήλ την χάριν ευαγγελίζεται. Διό και ημείς συν αυτώ τη Θεοτόκω βοήσωμεν. Χαίρε Κεχαριτωμένη, ο Κύριος μετά σου.


----------------------------------------------------------------------------------------------------

Σύναξις Αρχαγγέλων (26 Μαρτίου)


Των ουρανίων στρατιών Αρχιστράτηγε, δυσωπούμεν σε αεί ημείς οι ανάξιοι, ινα ταις δεήσεσι τειχίσης ημάς, σκέπη των πτερύγων, την αϋλου σου δόξης, φρουρών ημας προσπίπτοντας εκτενώς και βοώντας. Εκ των κινδύνων λύτρωσαι ημάς, ως Ταξιάρχης των άνω Δυνάμεων.


----------------------------------------------------------------------------------------------------

Ματρώνης Μάρτυρος (27 Μαρτίου)


Γνώμην αήττητον, Μαρτώνα φέρουσα, πίστιν την ένθεον, άσυλον έσωσας, μη δουλωθείσα την ψυχήν. Εβραίων τη απηνεία• όθεν αριστεύσασα, και τον δόλιον κτείνασα, μυστικώς νενύμφευσαι, τω Δεσπότη της κτίσεως. Αυτόν ουν εκτενώς εκδυσώπει, πάσης ημάς ρυσθήναι βλάβης.


----------------------------------------------------------------------------------------------------

΄Γ Χαιρετισμοί Της Θεοτόκου (28 Μαρτίου)

Νέαν έδειξε κτίσιν, εμφανίσας ο Κτίστης, ημίν τοις ασπόρου βλαστήσας γαστρός, και φυλάξας ταύτην, ώσπερ ην, άφθορον• ίνα το θαύμα βλέποντες, υμνήσωμεν αυτήν βοώντες. Χαίρε, το άνθος της αφθαρσίας• χαίρε, το στέφος της εγκρατείας.


----------------------------------------------------------------------------------------------------

Απολυτίκιο του Αγ. Ιλαρίωνος (28 Μαρτίου)


Ἰλαρότητι τρόπων καλλωπιζόμενος, ὡς καθαρώτατον σκεῦος τῆς ἐπιπνοίας Χριστοῦ, τῆς ἐνθέου βιοτῆς ἐδείχθης ἔσοπτρον ὅθεν ἀστράπτεις νοητῶς, ἀρετῶν μαρμαρυγᾶς, Πατὴρ ἠμῶν Ἰλαρίων, πρὸς ἀπλανῆ ὁδηγίαν, καὶ σωτηρίαν τῶν ψυχῶν ἠμῶν.


----------------------------------------------------------------------------------------------------

Μάρκου Αρεθουσιών (29 Μαρτίου)


Αρεθουσιών ως σοφός ποιμενάρχης υπερ Χριστού, Μάρκε, στερρώς ηγωνίσω, εν τη Φοινίκη δε, ω Κύριλλε διάκονε, μάρτυς ώφθης ένθεος, και εν Γάζη τη πόλει άμα και Ασκάλωνι ιερείς θεοφόροι μετά γυναίων ηθλήσαν σεμνώς• ους ως οπλίτας Χριστού μακαρίσωμεν.


----------------------------------------------------------------------------------------------------

Σταυροπροσκυνήσεως (30 Μαρτίου)

Σώσον Κύριε τον λαόν σου, και ευλόγησον την κληρονομίαν σου, νίκας τοις Βασιλεύσι κατά βαρβάρων δωρούμενος, και το σόν φυλάττων, δια του Σταυρού σου πολίτευμα.

----------------------------------------------------------------------------------------------------

Απολυτίκιο Αγ. Ιωάννη της Κλίμακος (30 Μαρτίου)


Ταις των δακρύων σου ροαίς, της ερήμου το άγονον εγεώργησας, και τοις εκ βάθους καρδίας στεναγμοίς , εις εκατόν τους πόνους εκαρποφώρησας• και γέγονας φωστήρ, τη οικουμένη λάμπων τοις θαύμασιν, Ιωάννη πατήρ ημών όσιε• πρέσβευε Χριστώ τω Θεώ σωθήναι τας ψυχάς ημών.


----------------------------------------------------------------------------------------------------

Υπατίου Επισκόπου Γαγγρών (31 Μαρτίου)


Και τρόπων μέτοχος, και θρόνων διάδοχος, των Αποστόλων γενόμενος, την πράξιν εύρες θεόπνευστε, εις θεωρίας επίβασιν• δια τούτο τον λόγον της αληθείας ορθοτομών, και τη πίστει ενήθλησας μέχρι αίματος, Ιερομάρτυς Υπάτιε• πρέσβευε Χριστώ τω Θεώ, σωθήναι τας ψυχάς ημών.

AΠΟΛΥΤΙΚΙΑ ΑΠΡΙΛΙΟΥ

AΠΟΛΥΤΙΚΙΑ ΑΠΡΙΛΙΟΥ

Οσίας Μαρίας Της Αιγυπτίας (1 Απριλίου)


Φωτισθείσα ενθέως Σταυρού τη χάριτι, της μετανοίας εδείχθης φωτοφανής λαμπηδών, των παθών τον σκοτασμόν, λιπούσα πάνσεμνε•
όθεν ως άγγελος Θεού, Ζωσιμά τω ιερώ ωράθης εν τη ερήμω, Μαρία Οσία Μήτερ• μεθ ου δυσώπει υπέρ πάντων υμών.


----------------------------------------------------------------------------------------------------

Τίτου Οσίου Του Θαυματουργού (2 Απριλίου)


Ανατεθείς απο παιδός τω Κυρίω, αγγελικώς επολιτεύσω εν κόσμω, και των θαυμάτων είληφας την χάριν εκ Θεού• όθεν εχρημάτισας, Μοναζόντων αλείπτης, Τίτε παμμακάριστε, και σοφός οικονόμος. Αλλά μη παύσης Πάτερ εκτενώς, υπέρ του κόσμου, Θεόν ιλεούμενος.


----------------------------------------------------------------------------------------------------

Νικήτα Ομολογητού (3 Απριλίου)

Ως νίκης επώνυμος, των θεοσδώτων θεσμών, φρουρός απερίτρεπτος και στύλος ώφθης στερρός, Νικήτα μακάριε• συ γαρ της απαθείας, κοσμηθείς ταις άκτισιν, αίγλης ομολογίας, τον σον βίον φαιδρύνεις. Και νυν των σοί προσιόντων, δέχου την αίνεσιν.


----------------------------------------------------------------------------------------------------


Απολυτίκιο Αγ. Ιωσήφ του Υμνογράφου (3 Απριλίου)


Τὸ δωδεκάχορδον τοῦ Λόγου ὄργανον, τὴν παναρμόνιον λύραν τῆς χάριτος, τὸ Ὑμνογράφον Ἰωσὴφ τιμήσωμεν ἐπαξίως, οὗτος γὰρ ἀνύμνησε, μελιχροὶς μελωδήμασι, Πνεύματι κινούμενος, τῶν Ἁγίων πᾶν σύστημα. Μεθ' ὧν καὶ ἱκετεύει ἀπαύστως, δοῦναι ἠμὶν πταισμάτων λύσιν.


----------------------------------------------------------------------------------------------------

΄Δ Χαιρετισμοί Της Θεοτόκου (Κινητή εορτή)

Τείχος ει των παρθένων, Θεοτόκε Παρθένε, και πάντων των εις σε προστρεχόντων• ο γαρ του ουρανού και της γής κατεσκεύασε σε Ποιητής, Άχραντε, οικήσας εν τη μήτρα σου, και πάντας σοι προσφωνείν διδάξας. Χαίρε, η στήλη της παρθενίας• χαίρε η πύλη της σωτηρίας.


----------------------------------------------------------------------------------------------------


Απολυτίκιο του Αγ. Γεωργίου εν Μαλεώ (4 Απριλίου)


Ὡς θεῖον Γεώργιον, δικαιοσύνης καρπούς, πλουσίως ἐξήνεγκας, δι' ἐνάρετου ζωῆς, Γεώργιε Ὅσιε, σὺ γὰρ καθάπερ φοῖνιξ, ἐν ἀσκήσει βλαστήσας, τρέφεις τὴ δωρεά σου, τὴν Χριστοῦ Ἐκκλησίαν ὅθεν ἀεὶ εὐχαρίστως, τιμᾷ τὴν μνήμη σου.


----------------------------------------------------------------------------------------------------

Νικηφόρου Και Των Λοιπών Μαρτυρισάντων (5 Απριλίου)


Θείας Πίστεως, τη αναλάμψει, ο επτάριθμος, Μαρτύρων δήμος, ως λυχνία ανεδείχθης επτάφωτος, ταις των αγώνων ενθέοις λαμπρότησι, φωταγωγούντες τους πίστει κραυγάζοντας. Θείοι Μάρτυρες, Χριστώ τω Θεώ πρεσβεύσατε, δωρήσασθαι ημίν το μέγα έλεος.


----------------------------------------------------------------------------------------------------


Απολυτίκιο του Αγ. Ευτυχίου (6 Απριλίου)


Βίον οὐράνιον, Πάτερ κτησάμενος, σκεῦος ἐπάξιον, ὤφθης τῆς χάριτος, λόγω καὶ πράξει βέβαιων, τὴν θείαν σοὶ χορηγίαν ὅθεν ἱεράτευσας, ἰσαγγέλως τῷ Κτίσαντι, ἔνδοξε Εὐτύχιε, Ἐκκλησίας ὡράισμα, ἣν φύλαττε ταὶς σαὶς προστασίαις, πάσης ἀνάγκης ἀνωτέραν.


----------------------------------------------------------------------------------------------------

Καλλιοπίου Μάρτυρος (7 Απριλίου)


Ο Μάρτυς σου Κύριε, εν τη αθλήσει αυτού, το στέφος εκομίσατο της αφθαρσίας, εκ σου του Θεού ημών• έχων γαρ την ισχύν σου, τους τυράννους καθείλεν• έθραυσε και δαιμόνων τα ανίσχυρα θράση. Αυτού ταις ικεσίαις Χριστέ ο Θεός, σώσον τας ψυχάς ημών.


----------------------------------------------------------------------------------------------------

Αγάβου Και Των Συν Αυτώ Αποστόλων (8 Απριλίου)


Εξάριθμος χορός, των σοφών Αποστόλων, υμνείσθω ιερώς, μελωδίαις ασμάτων, Ερμάς και Ασυγκρίτος, Ηρωδίων και Αγάβος, συν τω Φλεγόντι, και θεοφρόνι Ρούφω• την Τριάδα γαρ, διημεκώς δυσωπούσιν, υπέρ των ψυχών ημών.


----------------------------------------------------------------------------------------------------

Των Αγίων Ραφαήλ, Νικολάου και Ειρήνης (Κινητή εορτή)


Εν Λέσβω αθλήσαντες, υπέρ Χριστού του Θεού, αυτήν ηγιάσατε, τη τών Λειψάνων υμών, εύρεσει, μακάριοι. Όθεν υμάς τιμώμεν, Ραφαήλ θεοφόρε, άμα συν Νικολάω, και παρθένω Ειρήνη, ως θείους ημών προστάται και πρέσβεις προς τον Κύριον.


----------------------------------------------------------------------------------------------------

Ευψυχίου Μάρτυρος (9 Απριλίου)


Ευψύχως ήνυσας, δρόμον τον ένθεον, και καταβέβληκας, εχθρόν τον δόλιον, την πανοπλίαν του Σταυρού, παμμάκαρ ενδεδυμένος• όθεν συνηρίθμησαι, των Μαρτύρων ταις τάξεσι, δόξαν αιωνίζουσαν, κεκτημένος Ευψύχιε. Αλλά μη διαλείπης πρεσβεύων, σώσαι ημάς τους σε τιμώντας.


----------------------------------------------------------------------------------------------------

Οι εξ Αφρικής Άγιοι 40 Μάρτυρες (10 Απριλίου)

Αφρικής τους γενναίους τεσσαράκοντα μάρτυρας, πάντες οι πιστολι ευφροσύνως γεραίρωμεν, Τιμόθεον, Σωκράτην και Θωμάν, Πολύβιον, Θησέα και Λουκάν, Θεόφραστον, Ηλίαν, Περικλή, συν Τίτω και τω θείω Σοφοκλεί. Δόξα τω ενισχύσαντι υμάς, δόξα Χριστώ
τω θαυματώσαντι, δόξα τω ενεργούντι δι' υμών πάσιν ιάματα.
{Οι Άγιοι ούτοι μάρτυρες είναι οι εξής: Αλέξανδρος, Επαμεινώνδας, Θεόδωρος, Ξενοφών, Προμηθεύς, Αλέξανδρος, Ετεοκλής, Θεόφραστος, Όμηρος, Σοφοκλής, Αναξιμένης, Ζήνων, Θησεύς, Παρμενίων, Σωκράτης, Αριστείδης, Ηλίας, Θωμάς, Πελοπίδας, Τιμόθεος, Δημάρατος , Ησαίας, Ισοκράτης, Περικλής, Τίτος, Δημοκλής, Ηρακλής, Λουκάς, Πίνδαρος, Φιλοποιμήν, Δημοσθένης, Ηφαιστίων, Μιλτιάδης, Πολύβιος, Φωκίων, Διονύσιος, Θεμιστοκλής, Μνήσαρχος, Πολυνίκης και Χρόνης}


----------------------------------------------------------------------------------------------------


Γρηγορίου Πατριάρχου Κωνσταντινουπόλεως (10 Απριλίου)


Δημητσάνης τον γόνον, Βυζαντίου τον πρόεδρον, και της Εκκλησίας απάσης, γέρας θείον και καύχημα. Γρηγόριον τιμήσωμεν πιστοί, ως Μάρτυρα Χριστού πανευκλεή, ινα λάβομεν πταισμάτων τον ιλασμόν, παρά Θεού κραυγάζοντες. Δόξα τω δεδωκότι σου ισχύν, δόξα τω σε στεφανώσαντι, δόξα τω εν ευκλεία ουρανών, δοξάσαντι σε, Άγιε.


----------------------------------------------------------------------------------------------------

Ο Ακάθιστος Ύμνος (Κινητή εορτή)


Τη υπερμάχω στρατηγώ τα νικητήρια, ως λυτρωθείσα των δεινών, ευχαριστήρια, αναγράφω σοι η Πόλις σου, Θεοτόκε. Αλλ' ως έχουσα το κράτος απροσμάχητον, εκ παντοίων με κινδύνων ελευθέρωσον• ινα κράζω σοι. Χαίρε, Νύμφη ανύμφευτε.


----------------------------------------------------------------------------------------------------

Απολυτίκιο του Αγ. Αντίπα (11 Απριλίου)


Μυροβλύτην τὸν θεῖον καὶ μαρτύρων τὸν σύναθλον, τὸν πανευκλεῆ ἱεράρχην καὶ Περγάμου τὸν πρόεδρον, τιμήσωμεν Ἀντίπαν οἱ πιστοί, ὡς τάχιστον καὶ μέγαν ἱατρόν, τῆς δεινῆς ὀδόντων νόσου, καὶ πρὸς αὐτὸν ἀπὸ ψυχῆς βοήσωμεν· Δόξα τῷ σὲ δοξάσαντι Χριστῷ, δόξα τῷ σὲ στεφανώσαντι, δόξα τῷ ἐνεργοῦντι διὰ σοῦ πᾶσιν ἰάματα.

Ο Βίος του Αντίπα

----------------------------------------------------------------------------------------------------

Βασιλείου Επισκόπου Παρίου (12 Απριλίου)


Ως ιερεύς του Βασιλέως της δόξης, ομολογίας διαλάμπεις τη αίγλη, Ιερομάρτυς ένδοξε Βασίλειε• των εικονομάχων γαρ, την απάτην ελέγχων, πόνοις προσωμίλησας, υπέρ της αλήθειας• και μεταστάς εν δόξη πρός τον Θεόν, των σέ τιμώντων, απαύστως μνημόνευε.


----------------------------------------------------------------------------------------------------

Μαρίας Της Αιγυπτίας (13 Απριλίου)

Εν σοι Μήτερ, ακριβώς διεσώθη το κατ' εικόνα• λαβούσα γαρ τον Σταυρόν, ηκολούθισας τω Χριστώ, και πράττουσα εδίδασκες, υπεροράν μεν σαρκός, παρέρχεται γαρ• επιμελείσθαι δε ψυχής, πράγματος αθανάτου• διόκαι μετά Αγγέλων συναγάλλεται, οσία Μαρία, το πνεύμα σου.


----------------------------------------------------------------------------------------------------


Απολυτίκιο του Αγ. Μαρτίνου (13 Απριλίου)


Θείοις δόγμασι, τῆς εὐσέβειας, ὑπεστήριξας, τὴν Ἐκκλησίαν, ὦ Μαρτίνε ἱεράρχα Θεόσοφε, τὸν γὰρ Χριστὸν διπλοῦν ὄντα ταὶς φύσεσιν, ὁμολογήσας τὴν πλάνην κατήσχυνας. Πάτερ Ὅσιε Χριστὸν τὸν Θεὸν ἱκέτευε, δωρήσασθαι ἠμὶν τὸ μέγα ἔλεος.


----------------------------------------------------------------------------------------------------

Αριστάρχου Πούδη Και Τροφίμου (14 Απριλίου)


Χορείαν την τρίπλοκον, των Αποστόλων Χριστού, συμφώνως τιμήσωμεν, ως ποταμούς λογικούς, της θείας χρηστότητος. Πούδην συν Αριστάρχω, και Τροφίμω τω θείω λόγοις θεογνώσίας, καταρδεύσαντες κόσμον. Αυτών Χριστέ μεσιτείαις πάντας οικτείρησον.


----------------------------------------------------------------------------------------------------

Λεωνίδα Επισκόπου Αθηνών (15 Απριλίου)


Ποιμήν ιερώτατος, και Ιεράρχης σοφός, της πόλεως γέγονας των Αθηνών της κλείνης. Λεωνίδα μακάριε• όθεν ιεράτευσας τω Σωτήρ οσίως, ήθλησας υπέρ φύσιν, και την πλάνην καθείλες. Και νύν Πάτερ, ικέτευε, υπέρ των τιμώντων σε.


----------------------------------------------------------------------------------------------------

Αγάπης Ειρήνης Και Χιονίας (16 Απριλίου)


Τα θαύματα των Αγίων σου Μαρτύρων, τείχος ακαταμάχητον ημίν δωρισάμενος, Χριστέ ο Θεός, ταις αυτών ικεσίαις, βουλάς εθνών διασκέδασον, και βασιλείας τα σκήπτρα κραταίωσον, ως μόνος αγαθός και φιλάνθρωπος.


----------------------------------------------------------------------------------------------------

Συμεών Ιερομάρτυρος (17 Απριλίου)


Ως υποφήτης των ενθέων δογμάτων, Μαρτυρικόν συνασπισμόν επαλείφεις, λόγοις ομού και πράξεσι προς άθλους ιερούς• μεθ ών και συνήθλησας. Συμεών Ιεράρχα και Χριστώ ανέδραμες, συν αυτοίς ανακράζων. Ιδού ημείς ως πρόβατα σφαγής, τη σή αγάπη Σωτήρ ελογίσθημεν.


----------------------------------------------------------------------------------------------------

Ιωάννου Του Οσίου (18 Απριλίου)


Απαλών εξ' ονύχων Χριστόν ηγάπησας, και την σήν κλήσιν θεόφρον καταλαμπρύνεις σαφώς, πλήρης χάριτος οφθείς του θείου Πνεύματος• εκκαθαράς γαρ τον νούν, των Αγγέλων μιμητής, εν σώματι ανεδείχθης, Πατήρ ημών Ιωάννη, μεθ' ων ικέτευε σωθήναι ημάς.


----------------------------------------------------------------------------------------------------

Λαζάρου Έγερσης (Κινητή εορτή)

Την κοινήν Ανάστασιν, προ του σου πάθους πιστούμενος, εκ νεκρών ήγειρας τον Λάζαρον, Χριστέ ο Θεός• όθεν και ημείς ως οι Παίδες, τα της νίκης σύμβολα φέροντες, σοι τω Νικητή, του θανάτου βοώμεν. Ωσαννά εν τοις υψίστοις, ευλογημένος ο ερχόμενος, εν ονόματι Κυρίου.


----------------------------------------------------------------------------------------------------


Απολυτίκιο του Αγ. Παφνουτίου (19 Απριλίου)


Θυσίαν τὴν ἔνθεον, πιστῶς προσφέρων Θεῶ, ὡς θῦμα εὐπρόσδεκτον, προσανηνέχθης αὐτῶ, ἀθλήσεως ἄνθραξιν ὅθεν ὡς ἱερέα, καὶ στερρὸν Ἀθλοφόρον, ἔδειξε σὲ ὁ Κτίστης, χαρισμάτων ταμεῖον ἐξ ὧν καὶ ἠμὶν Παράσχου, ἱερομάρτυς Παφνούτιε


----------------------------------------------------------------------------------------------------

Κυριακή Των Βαϊων (Κινητή εορτή)

Μετά κλάδων υμνήσαντες πρότερον, μετά ξύλων συνέλαβον ύστερον, οι αγνώμονες Χριστόν, Ιουδαίοι τον Θεόν• ημείς δε πίστει αμεταθέτω, αεί τιμώντες ως ευεργέτην, δια παντός βοώμεν αυτώ. Ευλογημένος ει ο ερχόμενος, τον Αδάμ ανακαλέσασθαι.


----------------------------------------------------------------------------------------------------


Απολυτίκιο Αγ. Θεοδώρου του Τριχινά (20 Απριλίου)


Δῶρον ἔνθεον, τῆς ἐγκρατείας, σκεῦος ἔμψυχον, τῆς ἀπαθείας, ἀνεδείχθης θεοφόρε Θεόδωρε, τὸν γὰρ Θεὸν θεραπεύσας τοὶς ἔργοις σου, τῶν παρ' αὐτῶν δωρημάτων ἠξίωσαι. Πάτερ Ὅσιε, Χριστὸν τὸν Θεὸν ἱκέτευε, δωρήσασθαι ἠμὶν τὸ μέγα ἔλεος.


----------------------------------------------------------------------------------------------------

Ο Νυμφίος (Κινητή εορτή)


Ιδού ο Νυμφίος έρχεται εν τω μέσω της νυκτός• και μακάριος ο δούλος, ον ευρήσει γρηγορούντα• ανάξιος δε πάλιν, ον ευρήσει ραθυμούντα• Βλέπε ουν ψυχή μου, μη τω ύπνω κατενεχθής, ινα μή τω θανάτω παραδοθής και της βασιλείας εξω κλεισθής• αλλ' ανάνηψον κράζουσα. Άγιος, Άγιος, Άγιος ει ο Θεός, δια της Θεοτόκου ελέησον ημάς.


----------------------------------------------------------------------------------------------------

Απολυτίκιο του Αγ. Ιανουαρίου (21 Απριλίου)


Ὡς Ἱεράρχης καὶ σοφὸς θεηγόρος, τύπος ἐγένου πρὸς ἀθλήσεως πόνους, Πάτερ Ἰανουάριε τοὶς περὶ σεαυτόν. Σῶσος γὰρ καὶ Πρόκουλος, Δισιδέριος Φαῦστος, καὶ σὺν Ἀκουτίωνι, ὁ Εὐτύχιος ἅμα, σὺν σοῖ ἀθλούσι μάκαρ εὐσεβῶς, μεθ' ὧν δυσώπει, ὑπὲρ τῶν ψυχῶν ἠμῶν.


----------------------------------------------------------------------------------------------------

Των Δέκα Παρθένων (Κινητή εορτή)

Τρίτη μεγίστη Παρθένους δέκα φέρει, νίκην φερούσας αδεκάστου Δεσπότου. Αλλ' ω νυμφίε Χριστέ, μετά των φρονίμων ημάς συναρίθμησον Παρθένων και τη εκλεκτή σου σύνταξον ποιμήν, και ελέησον ημάς. Αμήν.


----------------------------------------------------------------------------------------------------


Απολυτίκιο Αγ. Θεοδώρου του Συκεώτου (22 Απριλίου)


Ἐκ σπάργανων ἐπλήσθης τῆς θείας χάριτος, καὶ τῷ Θεῷ ἀνετέθης ὡς Σαμουὴλ ὁ κλεινός, τὴν ὑπέρτιμον στολὴν Πάτερ κληρούμενος, ὅθεν θαυμάτων αὐτουργός, καὶ Χριστοῦ μυσταγωγός, Θεόδωρε ἀνεδείχθης, θεοδωρήτως ἐκλάμπων, τᾶς ψυχοτρόφους δωρεᾶς τοὶς πιστοίς.


----------------------------------------------------------------------------------------------------

Της Αλείψεως Τον Κύριον Μύρω

Ο λιμνάς και πηγάς και θάλασσας ποιήσας, ταπείνωσιν ημάς εκπαιδεύων αρίστην, λεντίω ζωννυμένος, Μαθητών πόδας ένιψε, ταπεινούμενος, υπερβολή ευσπλαγχνίας και υψών ημάς απο βαράθρων κακίας, ως μόνος φιλάνθρωπος.


----------------------------------------------------------------------------------------------------


Απολυτίκιο του Αγ. Γεωργίου (Κινητή εορτή)


Ως των αιχμαλώτων ελευθερωτής, και των πτωχών υπερασπιστής, ασθενούντων ιατρός, βασιλέων υπέρμαχος, τροπαιοφόρε μεγαλομάρτυς Γεώργιε, πρέσβευε Χριστώ τω Θεώ σωθήναι τας ψυχάς ημών.


----------------------------------------------------------------------------------------------------

Ο Ιερός Νιπτήρ Και ο Μυστικός Δείπνος

Ότε οι ένδοξοι Μαθηταί, εν τω νιπτήρι του δείπνου εφωτίζοντο, τότε Ιούδας ο δυσσεβής, φιλαργυρίαν νοσήσας εσκοτίζετο• και ανόμοις κριταίς, σε τον Δίκαιον Κριτήν παραδίδωσι. Βλέπε χρημάτων εραστά, τον δια ταύτα αγχόνη χρησάμενον• φεύγε ακόρεστον ψυχήν, την διδασκάλω τοιαύτα τολμήσασαν. Ο περί πάντας αγαθός, Κύριε δόξα σοι.


----------------------------------------------------------------------------------------------------


Απολυτίκιο της Αγ. Ελισάβετ (24 Απριλίου)


Μητρικῶν ἐκ λαγόνων Χριστὸν ἠγάπησας, ὥσπερ βλαστὸς Ἐλισάβετ δικαιοσύνης τερπνός, καὶ τοὶς ἴχνεσιν αὐτοῦ ἀκολουθήσασα, τῶν αἰωνίων ἀγαθῶν, γεωργεῖς τᾶς ἀπαρχᾶς, ἀμέμπτω σου πολιτεία, θαυματουργοῦσα θεόφρον, πρὸς σωτηρίαν τῶν ψυχῶν ἠμῶν.


----------------------------------------------------------------------------------------------------

Τα Άγια Πάθη

Τον δι ημάς σταυροθέντα, δεύτε πάντες υμνήσωμεν• αυτόν γαρ κατείδε Μαρία επο του ξύλου και έλεγεν. Ει και Σταυρόν υπομένεις, συ υπάρχεις ο Υιός και Θεός μου.


----------------------------------------------------------------------------------------------------


Απολυτίκιο Αποστόλου Μάρκου (Κινητή εορτή)


Τοῦ Πέτρου συνέκδημος, καὶ κοινωνὸς ἱερός, τοῦ Λόγου διάκονος, καὶ ὑποφήτης σοφός, ἐδείχθης Ἀπόστολε, ὅθεν τὸ τοῦ Σωτῆρος, Εὐαγγέλιον θεῖον, Μᾶρκε διαχαράττεις, ὡς οὐράνιος μύστης, διὸ Εὐαγγελιστὰ σέ, πόθω γεραίρομεν.

Ἕτερον Ἀπολυτίκιον

Ἀπόστολε ἅγιε καὶ Εὐαγγελιστά Μάρκε, πρέσβευε τῷ ἐλεήμονι Θεῷ ἵνα πταισμάτων ἄφεσιν, παράσχῃ ταῖς ψυχαῖς ἡμῶν.


----------------------------------------------------------------------------------------------------

Η Ταφή Του Κυρίου

Ο ευσχήμων Ιωσήφ απο του ξύλου καθελών, το άχραντον σου σώμα, σινδόνι καθαρά ειλήσας και αρώμασιν, εν μνήματι καινώ κηδεύσας απέθετο.


----------------------------------------------------------------------------------------------------


Απολυτίκιο του Αγ. Βασιλέως (26 Απριλίου)


Ὡς Λειτουργὸς τοῦ Βασιλέως τῆς δόξης, τῷ παρανόμῳ βασιλεῖ ἀντετάξω, Ἱερομάρτυς ἔνδοξε παμμάκαρ Βασιλεῦ, ὅθεν τὸν αὐχένα σου, ἐκτμηθεῖς διὰ ξίφους, χαίρων προσεχώρησας, πρὸς οὐράνιον λῆξιν, ἧς καὶ ἠμᾶς δυσώπει μετασχεῖν, τοὺς εὐφημούντας τὴν ἔνθεον μνήμην σου.


----------------------------------------------------------------------------------------------------

Το Άγιον Πάσχα (Κινητή εορτή)

Χριστός ανέστη εκ νεκρών, θανάτω θάνατον πατήσας και τοις εν τοις μνήμασι ζωήν χαρισάμενος.


----------------------------------------------------------------------------------------------------


Απολυτίκιο του Αγ. Συμεών (27 Απριλίου)


Χριστοῦ σε συγγενῆ, Συμεὼν Ἱεράρχα, καὶ Μάρτυρα στεῤῥόν, ἱερῶς εὐφημοῦμεν, τὴν πλάνην ὀλέσαντα, καὶ τὴν πίστιν τηρήσαντα· ὅθεν σήμερον, τήν παναγίαν σου μνήμην, ἑορτάζοντες, ἁμαρτημάτων τὴν λύσιν, εὐχαῖς σου λαμβάνομεν.


----------------------------------------------------------------------------------------------------

Απολυτίκιο Αγ. 9 Μαρτύρων (28 Απριλίου)


Θείας πίστεως, τὴ συμφωνία, ἐννεάριθμος, Μαρτύρων δῆμος, ἐν Κυζίκῳ ἱερῶς ἠνδραγάθησε, τὸν γὰρ Ὑπέρθεον Λόγον κηρύξαντες, ὑπὲρ αὐτοῦ ὡς ἀμνοὶ σφαγιάζονται, ὅθεν ἄφεσιν, αἰτοῦνται ἠμὶν καὶ ἔλεος, τοὶς μέλπουσιν αὐτῶν τὴν θείαν ἄθλησιν.


----------------------------------------------------------------------------------------------------

Απολυτίκιο Αγ. Ιάσων, Σωσιπάτρου (29 Απριλίου)


Δυὰς ἡ ὁμότροπος, τῶν Ἀποστόλων Χριστοῦ, Ἰάσων ὁ ἔνδοξος, Σωσίπατρος ὁ κλεινός, συμφώνως τιμάσθωσαν οὗτοι γὰρ δεδειγμένοι, τὸν τῆς χάριτος λόγον, ηὔγασαν ἐν Κερκύρᾳ, εὐσεβείας τὸ φέγγος, πρεσβεύοντες τῷ Κυρίῳ, ὑπὲρ τῶν ψυχῶν ἠμῶν.


----------------------------------------------------------------------------------------------------

Ιακώβου Αποστόλου (30 Απριλίου)


Απόστολε άγιε Ιάκωβε, πρέσβευε τω ελεήμονι Θεώ, ινα πταισμάτων άφεσιν, παράσχη ταις ψυχαίς ημών.

ΑΠΟΛΥΤΙΚΙΑ MAΪOY

ΑΠΟΛΥΤΙΚΙΑ MAΪOY

Ιερεμίου Προφήτου (1 Μαΐου)


Εκ γαστρός ηγιάσθης τη προγνώση του Κρίσαντος, και προφητικής εκπληρωθής, εκ σπαργάνων συνέσεως. Εθρήνησας την πτώσιν Ισραήλ, σοφέ Ιερεμία εν στοργή, δια τούτο ως προφήτην και αθλητήν, τιμώμεν σε κραυγάζοντες, δόξα τω σε δοξάσαντι Χριστώ, δόξα τω σε στεφανώσαντι, δόξα τω χοριγούντι δια σου, ημιν τα κρείττονα.


----------------------------------------------------------------------------------------------------

Ζωοδόχου Πηγής (Κινητή εορτή)


Τον υπερούδιον, όμβρον κυήσασα, πηγή ζωήρυτο, Παρθένε πέφυκας, αναπηγάζουσα ημίν, το νέκταρ το αθάνατον, ύδωρ το αλλόμενον, εις ζωήν την αιώνιον, νάματα γλυκύρροα, εκ της Κρήνης σου πάντοτε, εξ ών επεντρυφώντες βοώμεν. Χαίρε Πηγή η ζωηφόρος.


----------------------------------------------------------------------------------------------------

Απολυτίκιον Αγίας Ματρώνας της Αομμάτου (2 Μαίου)


Αδιάσειστον στύλον Ρωσίας όγδοον, την στερουμένην ομμάτων εκ γενετής, ευλαβώς
ανυμνήσωμεν Ματρώναν την αοίδιμον, ώς σκεύος θείων δωρεών και αγάπης ακραιφνούς
πρός πάντας εμπεριστάτους βοώντες' σκέδασον ζόφον παθών ημών φωτί σής χάριτος.

Ο Βίος της Αγίας Ματρώνας

----------------------------------------------------------------------------------------------------

Τιμοθέου Και Μαύρας (3 Μαΐου)


Τιμόθεον σήμερον συν τη συνάθλω πιστοί, συζήγω τιμήσωμεν, Μαύρα τη νύμφη Χριστού, την τούτων γεραίροντες εύτολμων καρτερίαν• ούτοι γαρ σταυρωθέντες, ίχνεσι του σφαγέντος, ηκολούθησαν πόθω, και πάντων τας αμαρτίας σταυρώ προσηλώσαντος.
----------------------------------------------------------------------------------------------------

Θωμά Του Αποστόλου (Απολυτίκιο Κυριακής του Θωμά)


Εσφραγισμένου του μνήματος, η ζωή εκ τάφου ανέτειλας Χριστέ ο Θεός• και των θυρών κεκλεισμένων, τοις Μαθηταίς επέστης η πάντων Ανάστασις, Πνεύμα ευθές δι' αυτών εγκαινίζων ημίν, κατά το μέγα σου έλεος.


----------------------------------------------------------------------------------------------------


Απολυτίκιο της Αγ. Πελαγίας (4 Μαίου)


Θείας πίστεως, τὴ ἐπιγνώσει, ζόφον ἔλιπες, τῆς ἀγνωσίας, Πελαγία Χριστοῦ, καλλιπάρθενε. Οὐ τὴν ἀείζωον δρόσον πλουτήσασα, διὰ πυρὸς τὸν ἀγῶνα ἐτέλεσας. Μάρτυς ἔνδοξε, Χριστὸν τὸν Θεὸν ἱκέτευε, δωρήσασθαι ἠμὶν τὸ μέγα ἔλεος.


----------------------------------------------------------------------------------------------------

Ειρήνης Μεγαλομάρτυρος (5 Μαίου)
{Προστάτης Σωμάτων Ασφαλείας}


Ειρήνης τον άρχοντα, ιχνηλατούσα σεμνή. Ειρήνης επώνυμος, δι' επιπνοίας Θεού, εδείχθης πανεύφημε. Σύ γάρ του πολεμίου, τας ενέδραςφυγούσα, ήθλησας υπέρ φύσιν, ως παρθένος φρόνιμη, διό μεγαλομάρτυς Ειρήνη, ειρήνην ημίν αιτήσαι.


----------------------------------------------------------------------------------------------------

Αγίου Εφραίμ (5 Μαίου)


Ἐν ὄρει τῶν Ἀμώμων ὥσπερ ἥλιος ἔλαμψας, καί μαρτυρικῶς, θεοφόρε, πρός Θεόν ἐξεδήμησας, βαρβάρων ὑποστάς ἐπιδρομάς, Ἐφραίμ Μεγαλομάρτυς τοῦ Χριστοῦ· διά τοῦτο ἀναβλύζεις χάριν ἀεί, τοῖς εὐλαβῶς βοῶσι· δόξα τῷ δεδωκότι σοι ἰσχύν, δόξα τῷ σέ θαυμαστώσαντι, δόξα τῷ ἐνεργοῦντι διά σοῦ, πᾶσιν ἰάματα.

----------------------------------------------------------------------------------------------------

Σεραφείμ Του Οσίου (6 Μαΐου)


Θείον βλάστημα, της Βοιωτίας, έμπνουν όργανον, της εγκρατείας, ανεδείχθης Σεραφείμ αξιάγιαστε, συ γαρ οσίων βαδίσας τοις ίχνεσιν, ορτιφανώς εν τω κόσμω εξέλαμψας. Πάτερ όσιε, Χριστόν τον Θεόν ικέτευε, δωρήσασθαι ημίν τοι μέγα έλεος.


----------------------------------------------------------------------------------------------------

Νείλου Του Οσίου (7 Μαΐου)

Ως άνθη πανεύοσμα, της αΐδίου ζωής, τα θεία σου λείψανα, εκ των ταμείων της γής, ημίν ανεφάνησαν• όθεν μνείαν τελούντες, της ευρέσεως τούτων, μέλπομεν πάτερ Νείλε, την δοθείσαν σοι χάριν, δι' ής πάσι προστάτης, ευρίσκη θερμότατος.


----------------------------------------------------------------------------------------------------

Κοντάκιο Φανέντος Τιμίου Σταυρού (7 Μαίου)


Ὦ τρισμακάριστε Σταυρὲ καὶ Πανσεβάσμιε, σὲ ἀνυμνῶν καὶ προσκυνῶν νῦν ἁγιάζομαι, ἐν ᾧ Χριστὸς ἀνυψούμενος κόσμον ἔσωσεν, ἀλλὰ πρόφθασον καὶ σῶσον τῇ δυνάμει σου, ἐκ παντοίων με κινδύνων ἐλευθέρωσον, ἵνα κράζω σοι· Χαῖρε Ξύλον μακάριον.


----------------------------------------------------------------------------------------------------

Ιωάννου του Θεολόγου (8 Μαίου)


Απόστολε Χριστώ τω Θεώ ηγαπημένε, επιτάχυνον ρύσαι λαόν αναπολόγητον, δέχεται σε προσπίπτοντα, ό επιπεσόντα τω στήθει καταδεξάμενος, όν σέ ικέτευε Θεολόγε, και επίμονον νέφος εθνών διασκεδάσαι, αιτούμενος ημίν ειρήνην, και το μέγα έλεος.


----------------------------------------------------------------------------------------------------

Απολυτίκιο του Αγ. Αρσενίου (8 Μαίου)


Τῶν τερπνῶν ἀπανέστης ἐμφρόνως Ὅσιε, χρηματισθεῖς οὐρανόθεν ὡς Ἀβραὰμ ὁ κλεινός, καὶ Ἀγγέλων μιμητής, ὤφθης τῷ βίῳ σου, λόγω ἐμπρέπων πρακτικῶ, καὶ σοφία ἀληθεῖ, Ἀρσένιε θεοφόρε. Καὶ νῦν ἀπαύστως δυσώπει, ἐλεηθήναι τᾶς ψυχᾶς ἠμῶν.


----------------------------------------------------------------------------------------------------

Χριστοφόρου Μεγαλομάρτυρος (9 Μαίου)


Στολαίς ταις εξ αίματος, ωραιζόμενος, Κυρίω παρίστασαι, τω Βασιλεί ουρανών, Χριστόφορε αοίδιμε, όθεν συν Ασωμάτων, και Μαρτύρων χορειαίς, άδεις τη τρισαγίω, και φρικτή μελωδία, διό ταις ικεσίαις ταις σαίς, σώζε τους δούλους σου.


----------------------------------------------------------------------------------------------------

Σίμωνος Του Ζηλωτού (10 Μαΐου)


Ζήλος ένθεος, καταλαβών σε, του γνωσθέντος σοι, σαρκός εν ειδεί, Ζηλωτήν εν Αποστόλοις ανέδειξε• και του Δεσπότου ζηλώσας τον θάνατον, δια Σταυρού προς αυτόν εξεδήμησας. Σίμων ένδοξε, Χριστόν τον Θεόν ικέτευε, δωρήσασθαι ημίν το μέγα έλεος.


----------------------------------------------------------------------------------------------------

Των Μυροφόρων (Κινητή εορτή)

Ότε κατήλθες πρός τον θάνατον, η ζωή η αθάνατος, τότε τον Άδην ενέκρωσας, τη αστραπή της Θεότητος• ότε δε και τους τεθνεώτας, εκ των καταχθονίων ανέστησας, πάσαι αι δυνάμεις των επουρανίων εκραύγαζων. Ζωοδότα Χριστέ, ο Θεός ημών δόξα σοι.


----------------------------------------------------------------------------------------------------


Απολυτίκιο του Αγ. Μώκιου (11 Μαίου)


Χριστῷ ἱερουργῶν, ἱερεὺς ὢν τῆς δόξης, θυσίαν λογικήν, καὶ ὁλόκληρον θῦμα, ἀθλήσεως ἄνθραξι, σεαυτὸν προαενήνοχας, ὅθεν Μώκιε, διπλῶ στεφάνω σὲ στέφει, ὁ δοξάσας σε, ὡς δοξασθεῖς σοῦ τοὶς ἄθλοις, Χριστὸς ὁ φιλάνθρωπος.


----------------------------------------------------------------------------------------------------

Επιφανίου Επισκόπου Κύπρου (12 Μαΐου)


Τους διττούς υποφήτας• της ανάρχου θεότητος των θεοτυπωτών δογμάτων, τους πανσόφους εκφάντορας συν Επιφανείω τω κλεινώ υμνήσωμεν τον θείον Γερμανόν, ως λαμπροί γαρ αρρήτων μυσταγωγοί, πυρσεύουσι τους κράζοντας. Δόξα τω στεφανώσαντι υμάς, δόξα τω μαγαλύναντι, δόξα τω βεβαιούτι δι' υμών, πίστιν την ορθόδοξον.


----------------------------------------------------------------------------------------------------

Γλυκαιρίας Οσίας (13 Μαΐου)


Την καλλιπάρθενον, Χριστού τιμήσωμεν, την αριστεύσασαν, πόνοις αθλήσεως, και ασθενείας της σαρκός, τον όφιν καταβάλουσαν. Πόθω γαρ του Κτίσαντος, των βασάνων την έφοδον, ως ουδέν ηγήσατο, και θεόθεν δεδόξασται, προς ην αναβοήσομεν πάντες. Χαίρεις θεόφρον Γλυκερεία.


----------------------------------------------------------------------------------------------------

Ισιδώρου Οσίου (14 Μαΐου)


Ως στρατευθείς τω Βασιλεί των αιώνων, των επιγείων την στρατειάν απώσω, και ευθαρσώς εκήρυξας Χριστόν τον Θεόν, όθεν τον αγώνα σου καλόν εκτελέσας, μάρτυς θεοδόξαστος του Σωτήρος εδείχθης. Ον εκδυσώπει σώζεσθαι ημάς, τους σε τιμώντας, παμμάκαρ Ισίδωρε.


----------------------------------------------------------------------------------------------------

Άγιος Θεράπων επίσκοπος Κύπρου (14 Μαΐου)


Θεραπεύσας ἐνθέῳ ζήλῳ τὸν Κύριον, ἀληθῶς ἀνεδείχθης θεράπων τούτου πιστός· διὸ δέδοσαι ἡμῖν τοῖς τιμῶσί σε, ἀκεσώδυνος πηγή, καὶ πολυχεύμων ποταμός,
θαυμάτων καὶ ἰαμάτων, Θεράπον Ἱερομάρτυς· ὅθεν σε πάντες μακαρίζομεν.

Ο Βίος του Αγίου Θεράποντος

----------------------------------------------------------------------------------------------------

Αχιλλίου Αρχιεπισκόπου Λαρίσης (15 Μαΐου)

Λαρίσης σε πρόεδρον, και πολιούχον λαμπρόν, η χάρις ανέδειξεν, ως ιεράρχην σοφόν, παμμάκαρ Αχίλλιε. Συ γαρ το της Τριάδος, ομοούσιον κράτος, θαυμάσι τε και λόγοις, κατετράνωσας κόσμω. Ην πάτερ εξευμενίζου τοις σε γεραίρουσι.

----------------------------------------------------------------------------------------------------


Απολυτίκιο του Αγ. Παχωμίου (15 Μαίου)


Ἀγελάρχης ἐδείχθης τοῦ Ἀρχιποιμένος, Μοναστῶν τᾶς ἀγέλας Πάτερ Παχώμιε, πρὸς τὴν μάνδραν ὁδηγῶν τὴν ἐπουράνιον, καὶ τὸ πρέπον ἀσκηταίς, ἐκεῖθεν σχῆμα μυηθεῖς, καὶ τοῦτο πάλιν μυήσας, νῦν δὲ σὺν τούτοις ἀγάλλη, καὶ συγχορεύεις ἐν οὐρανίαις σκηναίς.


----------------------------------------------------------------------------------------------------

Θεωδόρου Του Ηγιασμένου (16 Μαΐου)


Δώρον πεφήνας, αγιωσύνης, τον πανάγιον, δοξάσας Λόγον, ηγιασμένε θεόφρον Θεόδωρε• όθεν βλαστάνεις εκ θείας χρηστότητος, αγιασμόν αληθή τοις βοώσι σοι. Πάτερ όσιε, Χριστόν τον Θεόν ικέτευε, δωρήσασθαι ημίν το μέγα έλεος.


----------------------------------------------------------------------------------------------------

Ανδρονίκου Και Ιουνίας Των Αποστόλων (17 Μαΐου)


Δυάς φωτοειδής, ιερών Αποστόλων, και κήρυκες Χριστού, ανεδείχθητε κόσμω, τοις πάσι κατασπείραντες το της χάριτος κήρυγμα• όθεν σήμερον . Υμάς πιστώς ευφημούμεν, ω Ανδρόνικε, και Ιουνία θεόφρον, Χριστόν μεγαλύνοντες.


----------------------------------------------------------------------------------------------------

Του Θεραπευθέντος Παραλύτου Απο Τον Χριστό (18 Μαΐου)

Την ψυχήν μου Κύριε, εν αμαρτίαις παντοιαίς, και ατόποις πράξεσι, δεινώς παραλελυμένην, έγειρον, τη θεΐκή σου επιστασία, ώσπερ και τον παράλυτον ήγειρας πάλαι, ινα κράζω σεσωσμένος, Οικτίρμον δόξα, Χριστέ τω κράτει σου.


----------------------------------------------------------------------------------------------------


Απολυτίκιο των Αγ. Παυλίνου, Βενέδιμου (18 Μαίου)


Τῶν ἀθλοφόρων τὸν ὀκτάριθμον δῆμον, μαρτυρικοὶς ἐγκωμιάσωμεν ὕμνοις, Παυλῖνον Διονύσιον καὶ Πέτρον ὁμοῦ, Ἀνδρέαν καὶ Βενέδιμον, τὸν θεόφρονα Παῦλον, Ἡράκλειον τὸν ἔνδοξον, καὶ Χριστίναν τὴν θείαν οὗτοι καὶ γὰρ πρεσβεύουσιν ἀεί, ὑπὲρ τοῦ κόσμου. Χριστῷ τῷ θεῷ ἠμῶν.


----------------------------------------------------------------------------------------------------

Πατρικίου Και Των Συν Αυτώ (19 Μαΐου)


Τετράς θεοφρούρητος, ιεραρχών ιερών,
Τριάδα άκτιστον, κατ' εναντίων εχθρών, πανσόφως εκήρυξε, Πατρίκιος ο της Προύσσης, θεηγόρος ποιμάντωρ. Ακάκιος συν Μενάνδρω και Πολυαίνος αμα• διό και ως αθλήσαντες, δόξης ηξιώθησαν.


----------------------------------------------------------------------------------------------------

Θαλελαίου Μάρτυρος (20 Μαΐου)


Μαρτυρίου ανύσας τον αγώνα Θαλλέλαιε, ησχύνας ειδώλων την πλάνην, τη γενναία αθλήσει σου• και ώφθης ιαμάτων θησαυρό, παρέχων τας ιάσεις δωρεάν, τοις προστρέχουσιν εν πίστει τω σω ναώ και πόθω ανακράζουσι• δόξα τω δεδωκότι σοι ισχύν, δόξα τω σε θαυματώσαντι, δόξα τω ενεργούντι δια σου, πάσιν ιάματα.


----------------------------------------------------------------------------------------------------


Απολυτίκιο Αγ. Λυδίας της Φιλιππισίας (20 Μαίου)


Τὸν Θεὸν σεβόμενη διανοίας εὐθύτητι, τὸ τῆς χάριτος φέγγος διὰ Παύλου εἴσδεδεξαι, καὶ πρώτη ἐν Φιλίπποις τῷ Χριστῷ, ἔπιστευσας θεόφρον πανοικεῖ, διὰ τοῦτο σὲ τιμῶμεν ἀσματικῶς, Λυδία Φιλιππησία. Δόξα τῷ εὔδοκησαντι ἐν σοῖ, δόξα τῷ σὲ καταυγάσαντι, δόξα τῷ χορηγούντι διὰ σοῦ, ἠμὶν τὰ κρείττονα.


----------------------------------------------------------------------------------------------------

Αγίων Κωνσταντίνου και Ελένης (21 Μαίου)


Του Σταυρού σου τον τύπον εν ουρανώ θεασάμενος, ως ο Παύλος την κλήσιν ούκ εξ ανθρώπων δεξάμενος, ό εν βασιλεύσιν Απόστολος σου Κύριε, βασιλεύουσαν πόλιν τη χειρί σου παρέθετο, ήν περίσωζε δια παντός εν ειρήνη, πρεσβείαις της Θεοτόκου, μόνε φιλάνθρωπε.


----------------------------------------------------------------------------------------------------

Μεσοπεντηκοστής (21 Μαΐου)

Μεσούσης της εορτής διψωσάν μου την ψυχήν, ευσεβείας πότισον νάματα. Ότι πάσι Σωτήρ εβόησας. Ο διψών, ερχέσθω προς με και πινέτω. Η πηγή της ζωής, Χριστέ ο Θεός, δόξα σοι.


----------------------------------------------------------------------------------------------------


Βασιλίσκου Μάρτυρος (22 Μαΐου)


Ως βασίλειον δώρον και θύμα άγιον, τω Βασιλεί των αιώνων και αθλοθέτη Θεώ, δι' αθλήσεως στερράς προσήχθης ένδοξε• σύ γαρ την πλάνην καθελών, στρατιώτης ευκλεής, πανεύφημε Βασιλίσκε, της αληθείας εδείχθης, Χριστώ πρεσβεύων υπέρ ημών.


----------------------------------------------------------------------------------------------------

Μιχαήλ Ομολογητού (23 Μαΐου)


Θεώ αναθεμένος, την σήν ζωήν εκ παίδος, ποιμήν ανηγόρευσαι, και Ιεράρχης σεπτός. Χριστού Ιερώτατε. Όθεν την του Δεσπότου, ως τιμήσας Εικόνα, θλίψεις εν εξορίαις. Μιχαήλ καθυπέστης• και νύν αναπήγαζεις ημίν, ρείθρα ιάσεων.


----------------------------------------------------------------------------------------------------

Οσίου Συμεών Του Στυλίτου (24 Μαΐου)


Ως αείφωτος λύχνος δωρεών της ασκήσεως, εν τω θαυμαστώ πάτερ Όρει, διαπρέψας ανελάμψας, και κλίμακα εκ γής προς ουρανόν, τον στύλον σου υπέθου αληθώς. Συμεών θαυματοφόρε τοις ευσεβώς προστρέχουσι τη μάνδρα σου, δόξα τω δεδωκότι σοι ισχύν, δόξα τω σε στεφανώσαντι, δόξα τω ενεργούντι δια σου, πάσιν ιάματα.


----------------------------------------------------------------------------------------------------

Φωτεινής Μάρτυρος (25 Μαΐου)

Το ύδωρ ως ήντλησας, της αιωνίου ζωής, ευρούσα καθήμενον, παρά το φρέαρ σεμνή, Χριστόν τον Θεόν ημών, λόγοις σου θεηγόροις, και εν άθλοις ανδρείοις, ήσχυνας την απάτην. Ισαπόστολε Μάρτυς• διο σε Αθλοφόρε Φωτεινή, ύμνοις γεραίρουμεν.


----------------------------------------------------------------------------------------------------


Απολυτίκιο Γ' Εύρ. Κεφ. Τιμίου Προδρόμου (25 Μαίου)


Ὡς θεῖον θησαύρισμα, ἐγκεκρυμμένον τῇ γῇ, Χριστὸς ἀπεκάλυψε, τὴν Κεφαλήν σου ἡμῖν, Προφῆτα καὶ Πρόδρομε, πάντες οὖν συνελθόντες, ἐν τῇ ταύτῃ εὒρέσει, ᾄσμασι θεηγόροις, τὸν Σωτῆρα ὑμνοῦμεν, τὸν σώζοντα ἡμᾶς ἐκ φθορᾶς ταῖς ἱκεσίαις σου.


----------------------------------------------------------------------------------------------------

Κάρπου Αποστόλου (26 Μαΐου)


Θείας χάριτος, τη κοινωνία εκοινώνησας, δεσμών τω Παύλω, θεομακάριστε Κάρπε Απόστολε• και κοινωνούς θείας δόξης ανέδειξας, τους δεξαμένους το φέγγος των λόγων σου. Όθεν πρέσβευε, Χριστώ τω Θεώ πανεύφημε, δωρήσασθαι ημίν το μέγα έλεος.


----------------------------------------------------------------------------------------------------

Ιωάννου Του Ρώσου (27 Μαΐου)


Εκ γής ο καλέσας σε, προς ουρανίους μονάς, τυρεί και μετά θάνατον αδιαλώβητον, το σκήνος σου Όσιε. Σύ γαρ εν τη Ασία, ως αιχμάλωτος ήχθης, ένθα και ωκειώθης, τω Χριστώ Ιωάννη. Αυτόν ουν ικέτευε, σωθήναι τας ψυχάς ημών.


----------------------------------------------------------------------------------------------------

Ευτυχούς Ιερομάρτυρος (28 Μαΐου)


Ως ευτυχήσας αρετών ταις ιδέαις, την των Μαρτύρων ευκληρίας μετέσχες, ιερομάρτυς ένδοξε παμμάκαρ Ευτυχές• συ γαρ τω Θεώ ημών, καθαρώς υπουργήσας, αίμασιν εφοίνιξας, την αγίαν στολήν σου, μεθ' ης Χριστώ και νυν ιερουργώνμ, αει δυσώπει, υπέρ των ψυχών ημών.


----------------------------------------------------------------------------------------------------

Θεοδοσίας Μάρτυρος (29 Μαΐου)


Ως δόσιν θεόσδοτον, την παρθενίαν την σήν, άγωσιν αθλήσεως, Θεοδοσία σεμνή τω Λόγω προσήγαγες• όθεν προς αθανάτους, μεταστάσα νυμφώνας, πρέσβευε αθληφόρε, τω Δεσπότη των όλων, ρυσθήναι εκ πολυτρόπων, ημάς συμπτώσεων.


----------------------------------------------------------------------------------------------------

Ισαακίου Ομολογητού (30 Μαΐου)


Τύπος πεφήνας, της εγκρατείας, και εδραίωμα της Εκκλησίας, Ισαάκιε Πατέρων αγλάΐσμα• εν αρεταίς γαρ φαιδρύνας τον βίον σου, Ορθοδοξίας τον λόγον ετράνωσας. Πάτερ Όσιε, Χριστόν τον Θεόν ικέτευε, δωρήσασθαι ημίν το μέγα έλεος.


----------------------------------------------------------------------------------------------------

Ερμεία Μάρτυρος (31 Μαΐου)


Χριστώ στρατευσάμενος, τω Βασιλεί του παντός, γενναίως διέκοψας, τας παρατάξεις εχθρών, Ερμεία πανένδοξε• σύ γαρ εγκαρτερείσας, πολυτρόποις αικίαις, ήθλησας εν τω γήρα ως του Λόγου οπλίτης• ω πρέσβευε Αθλοφόρε, σώζεσθαι άπαντας.